Sindhudurg Crime: कणकवली हादरली, दारुड्या मुलाने आईच्या डोक्यात कोयता घातला अन् सपासप वार

सिंधुदुर्ग क्राइम न्यूज: दारूच्या नशेमध्ये मुलानेच आपल्या आईचा खून केल्याची घटना कणकवली तालुक्यातील वारगाव, सोरफ-सुतारवाडी येथे रात्रीच्या सुमारास राहत्या घरी घडली. प्रभावती सोरफ या 80 वर्षीय मृत महिलेचे नाव आहे. कणकवली पोलिसांनी घटनास्थळी धाव घेत मुलगा रवींद्र सोरफ याला ताब्यात घेतले आहे. त्याच्यावर पोलिसांकडून गुन्हा  दाखल करण्यात आला आहे. या हत्येमुळे (Murder news) कणकवलीत एकच खळबळ उडाली आहे. तसेच वृद्ध महिलेल्या मृत्युविषयी सर्वत्र हळहळ व्यक्त केली जात आहे. (Kankavli News)

संशयित आरोपी रवींद्र सोरफ याला दारूचे व्यसन आहे. सोरफ कुटुंबीय वारगांव सोरफ – सुतारवाडी येथील एका घरात रात्रीच्या सुमारास प्रभावती आणि मुलगा रवींद्र काही कारणावरून वाद झाला. त्यातून संतप्त झालेल्या रवींद्र याने थेट कोयत्याने (Koyta Attack) आईच्या डोक्यावर आणि शरीरावर ठिकठिकाणी वार केले. रवींद्र याने रक्तबंबाळ स्थितीतील आईला ओढत घराच्या हॉलमध्ये आणले. स्थानिकांनी याबाबत माहिती कणकवली पोलिसांना दिल्यानंतर पोलिस (Kankavli Police) घटनास्थळी दाखल झाले. त्यावेळी प्रभावती यांचा जागीच मृत्यू झाला होता. त्यांच्या डोक्यावर ठिकठिकाणी कोयत्याचे गंभीर वार होते. पोलिसांनी मुलगा रवींद्र याला ताब्यात घेऊन कणकवली पोलिस ठाण्यात आणले. त्याची कसून चौकशी सुरू आहे. या चौकशीतून आता कोणती नवीन माहिती समोर येणार, याकडे सर्वांचे लक्ष लागले आहे. रवींद्रने दारुच्या नशेत किंवा अन्य कोणत्या कारणामुळे आपल्या आईचा खून केला, याबाबतही अजूनही नेमके कारण आणि तपशील कळू शकलेला नाही.

Washim Crime: वाशिममध्ये रात्रीच्यावेळी वाहनाधरकांना लुटणाऱ्या टोळीला पोलिसांकडून अटक

रात्रीच्या वेळी वाहन अडवून वाहनधारकांना एकटे असल्याचं  पाळत ठेवून  पैसे, मोबाईल, आणि दागिने (लूट करणाऱ्या)चोरणाऱ्या दोन चोरट्यांना जेरबंद करण्यास वाशिम  स्थानिक  गुन्हे अन्वेषण शाखेला यश आले आहे. याप्रकरणी  रमेश वाणी,अभिषेक वानखडे या दोन तरुणाला पोलिसांनी अटक केली असून ..या आरोपींनी किती गुन्हे केले आणि मुद्देमाल कुठं ठेवला किंवा विकला याबद्दल वाशिम पोलीस तपास करत आहेत. या तपासातून आता कोणती माहिती समोर येणार, याकडे सर्वांच्या नजरा लागल्या आहेत.

https://www.youtube.com/watch?v=mjqbqby7d0e

आणखी वाचा

नर्तकी पूजानं आता उघडलं तोंड, गोविंद बर्गे अन् तिच्या प्रेमाबाबत दिली कबुली, म्हणाली…

आयुष कोमकरवर गोळ्या झाडल्यानंतर ‘टपका रे टपका’ गाणं कुठे लागलं होतं? लहान भावाने सगळं सांगितलं

आणखी वाचा