IND vs WI: वेस्ट इंडिजविरुद्ध वनडे आणि टी20 मालिकेसाठी टीम इंडियाची घोषणा! रोहित-विराटसह ‘या’ स्टार खेळाडूंना संधी

वेस्ट इंडिजविरुद्धच्या मायदेशातील वनडे आणि टी20 मालिकेसाठी भारतीय संघाची घोषणा करण्यात आली आहे. निवडकर्त्यांनी वनडे आणि टी-20 आंतरराष्ट्रीय मालिकेसाठी स्वतंत्र संघ निवडले आहेत. वनडे संघाचं कर्णधारपद शुबमन गिलकडे सोपवण्यात आले आहे, तर रोहित शर्मा (Rohit Sharma & Virat Kohli) आणि विराट कोहली यांचाही संघात समावेश करण्यात आला आहे.

दुसरीकडे, टी-20 संघाची धुरा सरपंच श्रेयस अय्यरकडे (Shreyas Iyer) सोपवण्यात आली असून युवा फलंदाज वैभव सूर्यवंशीलाही (Vaibhav Suryavanshi) संघात स्थान मिळाले आहे. तसेच तिलक वर्मा टी-20 संघाचा उपकर्णधार असणार आहे.

वेस्ट इंडिजविरुद्धच्या भारतीय संघाची घोषणा करण्याबरोबरच रणजी ट्रॉफी विजेता जम्मू-काश्मीरविरुद्ध होणाऱ्या इराणी कप सामन्यासाठी रेस्ट ऑफ इंडिया संघाचीही घोषणा करण्यात आली आहे. ज्याचं नेतृत्व ऋषभ पंत (Rishbh Pant) करणार आहे.

वनडे संघात शुबमन गिल कर्णधार, तर केएल राहुल उपकर्णधार आणि यष्टिरक्षकाची भूमिका बजावेल. रोहित शर्मा आणि विराट कोहली यांचा अनुभव महत्वाची भूमिका बजावेल. याशिवाय ऋतुराज गायकवाड, यशस्वी जयस्वाल आणि नमन धीर या फलंदाजांनाही संघात स्थान मिळाले आहे. ध्रुव जुरेलचा यष्टिरक्षक म्हणून समावेश करण्यात आला आहे.

अष्टपैलू नितीश कुमार रेड्डी आणि रवींद्र जडेजा हेही संघाचा भाग आहेत. गोलंदाजी विभागात कुलदीप यादव, प्रसिद्ध कृष्णा, मोहम्मद सिराज, औकिब नबी आणि गुरनूर बरार यांना संधी मिळाली आहे.

नितीश कुमार रेड्डी यांचा यापूर्वी आशियाई क्रीडा स्पर्धेच्या संघात समावेश करण्यात आला होता. मात्र, आता त्यांना त्या संघातून वगळण्यात आले असून ते वेस्ट इंडिजविरुद्धच्या वनडे मालिकेत खेळणार आहेत.

वेस्ट इंडिजच्या भारत दौऱ्याचे संपूर्ण वेळापत्रक

IND vs WI वनडे मालिकेचे वेळापत्रक

पहिला वनडे सामना : 27 सप्टेंबर, तिरुवनंतपुरम
दुसरा वनडे सामना : 30 सप्टेंबर, गुवाहाटी
तिसरा वनडे सामना : 3 ऑक्टोबर, न्यू चंदीगड

IND vs WI टी-20 मालिकेचे वेळापत्रक

पहिला टी-20 सामना : 6 ऑक्टोबर, लखनऊ
दुसरा टी-20 सामना : 9 ऑक्टोबर, रांची
तिसरा टी-20 सामना : 11 ऑक्टोबर, इंदूर
चौथा टी-20 सामना : 14 ऑक्टोबर, हैदराबाद
पाचवा टी-20 सामना : 16 ऑक्टोबर, बंगळुरू

भारताचा वनडे संघ:- शुबमन गिल (कर्णधार), रोहित शर्मा, विराट कोहली, ऋतुराज गायकवाड, केएल राहुल (उपकर्णधार, यष्टिरक्षक), ध्रुव जुरेल (यष्टिरक्षक), नितीश कुमार रेड्डी, रवींद्र जडेजा, कुलदीप यादव, प्रसिद्ध कृष्णा, गुरनूर बराड, मोहम्मद सिराज, औकिब नबी, यशस्वी जयस्वाल, नमन धीर.

भारताचा टी-20 संघ:- श्रेयस अय्यर (कर्णधार), अभिषेक शर्मा, वैभव सूर्यवंशी, ईशान किशन (यष्टिरक्षक), संजू सॅमसन (यष्टिरक्षक), तिलक वर्मा (उपकर्णधार), शिवम दुबे, कुलदीप यादव, अक्षर पटेल, वॉशिंग्टन सुंदर, रवि बिश्नोई, नितीश कुमार रेड्डी, अर्शदीप सिंग, प्रिन्स यादव, मयंक यादव.

रेस्ट ऑफ इंडिया असोसिएशन:- ऋषभ पंत (कर्ंधर, यष्टिरक्षक), सनत सांगवान, शिखर मोहन, सुदीप घारामी, सरफराज खान (कर्ंधर), स्मरण रविचंद्रन, मानव सुथार, सरांश जैन, आकाश दीप, मुकेश कुमार, मुकेश चौधरी, आर्यन पान्य, आर्यन पान्य, आर्यन पान, वाय. आयुष डोसेजा.