Pakistani “प्रेयसीला भेटायला आलो होतो” LOC च्या तारांखालून 'उरी'मध्ये तरुणाची कसून चौकशी सुरु

भारताच्या उत्तर सीमेवरील सुरक्षेचा प्रश्न पुन्हा एकदा ऐरणीवर आला आहे.  जम्मू आणि काश्मीरच्या उरी सेक्टरमध्ये एक मोठी घटना उघडकीस आली आहे. नियंत्रण रेषा (LoC) ओलांडून पाकिस्तान-व्याप्त काश्मीरमध्ये (PoK) प्रवेश करण्याचा प्रयत्न करत असताना रविवारी तीन जणांना अटक करण्यात आली.

सियालकोट परिसरात नियंत्रण रेषा ओलांडल्यानंतर PoK मधील एका तरुणालाही अटक करण्यात आली. या पाकिस्तानी तरुणाचा दावा आहे की तो उरीमध्ये आपल्या प्रेयसीला भेटायला आला होता. पोलीस सध्या त्याची चौकशी करत आहेत.

ही घटना कुठे घडली?
नवभारत टाईम्सच्या वृत्तानुसार एका अधिकाऱ्याने सांगितले की, PoK मध्ये प्रवेश करण्याचा प्रयत्न करणारे तिघेही बारामुल्ला जिल्ह्यातील सोपोर भागाचे रहिवासी आहेत. ते शनिवार आणि रविवारच्या मध्यरात्री हाथलांगा-नाम्बाला भागातून PoK मध्ये प्रवेश करण्याचा प्रयत्न करत होते. अटक करण्यात आलेल्या तिघांची ओळख सोपोरचा रहिवासी आदिल हुसेन दार, सोपोरचा रहिवासी इश्तियाक अहमद आणि सोपोरचा रहिवासी जफर अहमद अशी पटली आहे.  ANI ने एक्सवर या घटनेतील प्रमुख संशयित तरुणाचा फोटो पोस्ट केला आहे.

मिळालेल्या माहितीनुसार पाकव्याप्त काश्मीरमध्ये घुसण्याचा प्रयत्न करणाऱ्यांमध्ये एका निलंबित सैनिकाचाही समावेश आहे.
अधिकाऱ्यांनी सांगितले की, त्यांच्यामध्ये दार टीए (टेरिटोरियल आर्मी)-१६१ चा एक निलंबित सैनिक आहे. सूत्रांनी सांगितले की, हे तिघेही पाकव्याप्त काश्मीरमध्ये असलेल्या काही हँडलर्सच्या संपर्कात होते. तिघेही सध्या पोलिसांच्या ताब्यात असून सुरक्षा यंत्रणा त्यांची चौकशी करत आहे आणि पुढील माहितीची प्रतीक्षा आहे.

मीर आणि मुलीची लष्कराकडून चौकशी.
दुसऱ्या एका घटनेत, लष्कराच्या एका तुकडीने पाकव्याप्त काश्मीरमधील एका तरुणाला पकडले, जो उरी सेक्टरच्या सियालकोट परिसरात नियंत्रण रेषा (LoC) ओलांडून काश्मीरमध्ये घुसला होता. अटक करण्यात आलेला तरुण झीशान मीर असून तो मुझफ्फराबादचा रहिवासी आहे.

झीशानने दावा केला की, तो उरी सेक्टरच्या तिलाई येथे राहणाऱ्या आपल्या प्रेयसीला भेटण्यासाठी नियंत्रण रेषा ओलांडून आला होता. अधिकाऱ्यांनी सांगितले की, सुरक्षा दल मीर आणि मुलीची चौकशी करत असून पुढील तपास सुरु आहे.