पार्थ पवार यांच्या अमेडिया कंपनीच्या जमिनाचा व्यवहार प्रकरणात अपडेट; समितीचा अहवाल सादर होणार,

पुणे: मुंढवा येथील जमीन खरेदी प्रकरणात गैरव्यवहार प्रकरणाचा (land transaction case) अहवाल सोमवारी सादर होणार आहे. दस्त नोंदणी पातळीवरील अनियमितता तपासण्यासाठी प्रभारी नोंदणी महानिरीक्षकांनी नेमलेल्या समितीचा अहवाल सोमवारी सादर होणार आहे. अहवालाबाबत अंतिम कामकाज सोमवारपर्यंत पूर्ण होऊन अहवाल सादर करण्यात येईल, नोंदणी विभागाकडून नोंदणी व मुद्रांक शुल्क विभागाची माहिती समोर आली आहे. उपमुख्यमंत्री अजित पवार यांचे पुत्र पार्थ पवार (Parth Pawar) यांच्या अमेडिया कंपनीचे भागधारक दिग्विजयसिंह पाटील आणि पावर ऑफ अटॉर्नी (Power of Attorney) शीतल तेजवानी यांच्यात ३०० कोटी रुपयांमध्ये हा व्यवहार झाला होता. मात्र, ही जमीन सरकारी असल्याने हा व्यवहार बेकायदा असल्याचे स्पष्ट झाले. त्यानंतर याप्रकरणी सहदुय्यम निबंधक रवींद्र तारू यांना निलंबित केलं होतं आणि त्यांच्यावर गुन्हादेखील दाखल केला. या संपूर्ण प्रकरणाची तपासणी करण्यासाठी चार सदस्यिय समिती नेमली होती. त्याचा अहवाल सोमवारी सादर होणार आहे.(land transaction case)

Parth Pawar Land : कोरेगाव पार्क, बोपोडी जमीन प्रकरण शीतल तेजवानीसह चौघांना नोटीस

कोरेगाव पार्क आणि बोपोडी जमीन व्यवहार प्रकरणात पुणे पोलिसांकडे दाखल झालेल्या गुन्ह्यांच्या संदर्भात पोलिसांनी शीतल तेजवानी, हेमंत गवंडे यांच्यासह चौघांना जबाब नोंदविण्यासाठी हजर राहण्याची नोटीस बजावली आहे. या प्रकरणात गवंडे हे शुक्रवारी आर्थिक गुन्हे शाखेच्या कार्यालयात हजर झाले. त्यांनी जबाब नोंदविला. उपमुख्यमंत्री अजित पवार यांचे पुत्र पार्थ पवार संचालक असलेल्या ‘अमेडिया’ कंपनीवर बोपोडी, कोरेगाव पार्क भागातील जमीन प्रकरणात गुन्हा दाखल झाला. या गुन्ह्याचा तपास पुणे पोलिसांच्या आर्थिक गुन्हे शाखेकडे सोपविण्यात आला आहे. बोपोडी जमीन प्रकरणात ‘अमेडिया’ कंपनीचे संचालक दिग्विजय पाटील, शीतल तेजवानी यांचा संबंध नसल्याचे पोलिसांनी स्पष्ट केले होते. या प्रकरणाचा सखोल तपास आर्थिक गुन्हे शाखेकडून करण्यात येत आहे.

सरकारी विभागांकडून जमीन व्यवहाबाबत झालेल्या कागदपत्रे मागवण्यात आली आहेत. त्यानंतर या प्रकरणात शीतल तेजवानी, हेमंत गवंडे, तहसीलदार सूर्यकांत येवले यांच्यासह चौघांना जबाब नोंदविण्याबाबत नोटीस बजाविण्यात आली. त्यानंतर शुक्रवारी गवंडे हे आर्थिक गुन्हे शाखेच्या कार्यालयात हजर झाले. जबाब नोंदविल्यानंतर त्यांनी पत्रकारांशी बोलताना सांगितले की, बोपोडी प्रकरणात माझ्यावर चुकीने गुन्हा नोंदविण्यात आला आहे. याबाबतची कागदपत्रे पोलिसांना मी दिली आहे. मी पोलिसांना सहकार्य करीत आहे

Parth Pawar Land : गुन्हा रद्द करण्यात यावा, यासाठी तेजवानी न्यायालयात

या प्रकरणात पोलिसांनी दाखल केलेला गुन्हा रद्द करण्यात यावा, यासाठी शीतल तेजवानीने मुंबई उच्च न्यायालयात धाव घेतली आहे. याबाबत तिने अर्ज केला असल्याची माहिती एका वृत्तसंस्थेने सूत्रांच्या हवाल्याने दिली आहे.

आणखी वाचा