यूपी कुशीनगर गुन्हे बातम्या: उत्तर प्रदेशमध्ये गुन्हेगारी घटनांमध्ये वाढ होत असल्याचं चित्र आहे. अशातच कुशीनगर येथील घडलेल्या घटनेमुळे परिसरात खळबळ उडाली आहे. एका 30 वर्षीय नराधमाने आई आणि पत्नीला त्यांच्या घराच्या छतावर बेदम मारहाण करून ठार मारले. दोघांचे डोके विटांनी फोडले. तसेच कवटीतील मांस काढून खाल्ले असल्याची माहिती आहे. दरम्यान, तो दोघांच्या कवटीतील मांस खाली फेकत होता. पीडितांच्या आक्रोशाने संपूर्ण गाव भयभीत झाले होते. गावकऱ्यांनी तातडीने पोलिसांना याची माहिती दिली. पोलिसांनी घटनास्थळी धाव घेताच या हत्येचा प्रकार उघडकीस आला. पोलिसांनी आरोपीला ताब्यात घेतले असून, त्याची मानसिक स्थिती देखील तपासली जात आहे. या प्रकरणानंतर परिसरात खळबळ उडाली आहे.
सिकंदर गुप्ता (वय वर्ष 30) असे आरोपीचे नाव आहे. आरोपी मुंबईत मजूर म्हणून काम करत होता. सुमारे एक महिन्यांपूर्वी तो पु्न्हा गावी परतला होता. ही भयंकर घटना अहिरौली बाजार पोलीस ठाणे क्षेत्रातील परसा गावात घडली. गावकऱ्यांचा आरोप आहे की, सिकंदरला दारू आणि गांजाचे व्यसन होते. तो वारंवार पत्नी आणि आईला मारहाण करायचा. तसेच दोघांना जीवे मारण्याची धमकी द्यायचा. टाइम्स ऑफ इंडियाच्या वृत्तानुसार, पोलिसांनी सांगितले की, ही घटना सोमवारी उघडकीस आली. सिकंदरची पत्नी प्रियंका (वय वर्ष 28) आणि आई रूना देवी (वय वर्ष 60) हे घराच्या छतावर होते. सकाळच्या सुमारास आरोपीनं दोघांवर प्राणघातक हल्ला केला. वीट उचलून दोघांची डोकी फोडली. या प्राणघातक हल्ल्यामुळे दोघांचाही जागीच मृत्यू झाला. प्रत्यक्षदर्शींच्या म्हणण्यानुसार, सिकंदरने कवटीचे मांस खाण्यास सुरूवात केली. तसेच मांसाचे तुकडे फेकण्यास सुरूवात केली.
या भयंकर प्रकरणाची माहिती पोलिसांना मिळताच त्यांनी घटनास्थळी धाव घेतली. “आरोपीवर दुहेरी हत्याकांडाचा गुन्हा दाखल करण्यात आला आहे. तपासाचा भाग म्हणून पोलीस आरोपीची मानसिक स्थिती देखील तपासत आहेत”, असं कुशीनगरचे पोलीस अधिक्षक केशव मिश्रा म्हणाले. घटना घडल्यानंतर आरोपी पसार झाला. दोन तासांनंतर आरोपीला पकडण्यात पोलिसांना यश आले. मिळालेल्या माहितीनुसार, सिकंदरचे लग्न चार वर्षांपूर्वी मोठ्या थाटामाटात झाले. मात्र, सिकंदर दररोज दारू पित होता. या व्यसनामुळे दोघांमध्ये प्रचंड भांडणे व्हायची. याच भांडणातून आरोपीनं क्रूर पद्धतीनं आई आणि पत्नीला संपवलं असल्याची माहिती आहे.
लखनऊ येथील वरिष्ठ क्लिनिकल मानसशास्त्रज्ञ पीके खत्री म्हणतात, कुशीनगरमधील आरोपी मनोविकाराने ग्रस्त असल्याचे दिसून येत आहे. ही एक गंभीर मानसिक आरोग्य स्थिती आहे. आरोपीला जेव्हा ताब्यात घेण्यात आले, तेव्हा तो खूप अस्वस्थ होत. तसेच संवाद साधण्यास तयार नव्हता. त्याची मानसिक स्थिती पूर्णपणे बिघडली असल्याचं दिसून येत आहे”. सध्या या प्रकरणानंतर परिसरात खळबळ उडाली असून, पोलिसांकडून पुढील तपास सुरू आहे.
आणखी वाचा
Comments are closed.