वैभव सूर्यवंशी नावाच्या वादळाची एन्ट्री! जोफ्रा आर्चरच्या पहिल्याच चेंडूवर विकेटकीपरच्या डोक्या

वैभव सूर्यवंशी पहिला आंतरराष्ट्रीय षटकार इंग्लंड विरुद्ध भारत दुसरी T20I : भारत आणि इंग्लंड यांच्यातील दुसऱ्या टी-20 सामन्यात आज एक नवा इतिहास रचला गेला आहे. भारताचा युवा फलंदाज वैभव सूर्यवंशी याने आंतरराष्ट्रीय क्रिकेटमध्ये पदार्पण करत मास्टर ब्लास्टर सचिन तेंडुलकरचा तब्बल 37 वर्षे जुना विक्रम मोडीत काढला आहे. वयाच्या अवघ्या 15 वर्षे आणि 99 दिवस या वयात भारतासाठी खेळणारा वैभव हा भारताचा सर्वात तरुण आंतरराष्ट्रीय क्रिकेटपटू ठरला आहे. या ऐतिहासिक सामन्यात भारताचा कर्णधार श्रेयस अय्यर याने नाणेफेक जिंकून प्रथम फलंदाजी करण्याचा निर्णय घेतला.

वैभव सूर्यवंशी यांचे ऐतिहासिक पदार्पण, विवेक राझदानच्या आयकॉनिक कॉलने अमर झाले 👌

पहा #ENGvIND सोनी स्पोर्ट्स नेटवर्क टीव्ही चॅनेलवर आता दुसरा T20I थेट. 📺 #SonySportsNetwork #MamlaPersonalHai #ExtraaaInnings pic.twitter.com/3QxeqQqgM4

— सोनी स्पोर्ट्स नेटवर्क (@SonySportsNetwk) 4 जुलै 2026

पहिल्याच चेंडूवर जोफ्रा आर्चरला ठोकला गगनचुंबी षटकार!

सामन्याची सुरुवातच अत्यंत थरारक आणि अविस्मरणीय झाली. डावाची सुरुवात करण्यासाठी मैदानात उतरलेल्या वैभव सूर्यवंशीने आंतरराष्ट्रीय क्रिकेटमधील आपल्या पहिल्याच चेंडूवर सर्वांना थक्क केले. इंग्लंडचा वेगवान गोलंदाज जोफ्रा आर्चरच्या पहिल्याच चेंडूवर वैभवने एका पायावर खाली वाकत, लेन्थच्या खाली जाऊन चेंडू थेट यष्टीरक्षकाच्या डोक्यावरून सीमारेषेबाहेर फेकला. हा एक प्रेक्षणीय षटकार होता. या शानदार षटकारासह वैभवने आंतरराष्ट्रीय क्रिकेटच्या मंचावर आपली धडाकेबाज एन्ट्री केली आहे. विशेष म्हणजे, गोलंदाज जोफ्रा आर्चर आणि फलंदाज वैभव सूर्यवंशी हे दोघेही आयपीएलमध्ये राजस्थान रॉयल्स संघाकडून एकत्र खेळतात.

…

फक्त सुरुवात, #वैभवसूर्यवंशी भारतासाठी त्याचा पहिला आंतरराष्ट्रीय षटकार ठोकला! 🙌#ENGvIND 2रा T20I 👉 JioHotstar वर लाइव्ह स्ट्रीमिंग! pic.twitter.com/5Qa9iPRJ0x

— स्टार स्पोर्ट्स (@StarSportsIndia) 4 जुलै 2026

सचिन तेंडुलकर आणि वॉशिंग्टन सुंदरचा विक्रम मोडला

वैभव सूर्यवंशीने आजच्या पदार्पणासह भारतीय क्रिकेटमधील अनेक दिग्गजांचे विक्रम मागे टाकले आहेत. यापूर्वी भारतासाठी सर्वात तरुण वयात पदार्पण करण्याचा विक्रम सचिन तेंडुलकरच्या नावावर होता. सचिनने 1989 मध्ये वयाच्या 16 वर्षे  205 दिवसांचा असताना कसोटीत आणि 16 वर्षे 238 दिवसांचा असताना एकदिवसीय (ODI) सामन्यात पदार्पण केले होते. भारतासाठी टी-20 आंतरराष्ट्रीय क्रिकेटमध्ये सर्वात तरुण वयात पदार्पण करण्याचा विक्रम वॉशिंग्टन सुंदरच्या नावावर होता. त्याने 2017 मध्ये श्रीलंकेविरुद्ध वयाच्या 18 वर्षे 80 दिवसांचा असताना पदार्पण केले होते. आता वयाच्या अवघ्या 15 व्या वर्षी मैदानात उतरून वैभव सूर्यवंशीने हा सर्वकालीन विक्रम आपल्या नावावर केला आहे. त्याच्या या कामगिरीमुळे संपूर्ण क्रिकेट जगतातून त्याचे कौतुक होत आहे.

वैभव सूर्यवंशीची वादळी खेळी संपुष्टात!

डावाच्या सुरुवातीलाच आक्रमक पवित्र्यात असलेल्या वैभव सूर्यवंशीला रोखण्यासाठी इंग्लंडचा फिरकीपटू विल जॅक्स गोलंदाजीला आला. वैभव पुढे येऊन मोठा फटका मारण्याच्या तयारीत असल्याचे जॅक्सने आधीच हेरलं आणि हुशारी दाखवत चेंडू ऑफ-स्टंपच्या बाहेर वेगाने टाकला. वैभवने चेंडू कट करण्याचा अयशस्वी प्रयत्न केला, पण चेंडू त्याच्या बॅटला चकवून थेट यष्टीरक्षक जोस बटलरच्या हातात गेला. वैभव क्रीझच्या खूप बाहेर गेला होता. जोस बटलरने चेंडू हातात घेताच कोणतीही चूक न करता यष्ट्या उडवल्या. बाद होण्यापूर्वी वैभवने 10 चेंडूत 14 धावांची छोटी पण वेगाने खेळलेली खेळी केली, ज्यामध्ये 2 षटकारांचा समावेश होता.

हे ही वाचा –

Vaibhav Sooryavanshi : क्रिकेटच्या देवाचा 36 वर्षांचा विक्रम मोडला! वैभव सूर्यवंशी लागला रडू… मँचेस्टरच्या मैदानात संपूर्ण देशाला भावूक करणारा ‘तो’ सुवर्णक्षण