IND vs PAK: भारत-पाक पुन्हा एकदा आमने-सामने! जाणून घ्या कधी, कुठे पाहता येणार लाईव्ह?
क्रिकेट चाहत्यांना पुन्हा एकदा भारत आणि पाकिस्तान (India vs Pakistan) यांच्यातील सामना पाहण्याची संधी मिळणार आहे. आशिया कप रायझिंग स्टार्स 2026 (Asia Cup Rising Star 2026) स्पर्धेत रविवारी (22 नोव्हेंबर) इंडिया A आणि पाकिस्तान A (India A vs Pakistan A) हे संघ आमनेसामने येणार आहेत. दोन्ही संघांनी आपल्या स्पर्धेची सुरुवात विजयाने केली आहे.
भारताने पहिल्या सामन्यात नेपाळचा 306 धावांनी मोठा पराभव केला होता. तर पाकिस्तानने यूएईवर 61 धावांनी मात केली होती. आता दोन्ही संघ एकमेकांविरुद्ध मैदानात उतरण्यास सज्ज झाले आहेत.
या सामन्यात विजय मिळवून आपली विजयी लय कायम ठेवण्याचा दोन्ही संघांचा प्रयत्न असेल. या सामन्यात वैभव सूर्यवंशी (Vaibhav Suryavanshi) आणि अभिषेक शर्मा (Abhishek Sharma) यांच्या फलंदाजीवरही चाहत्यांचे लक्ष असणार आहे. त्यामुळे चाहत्यांना एक रोमांचक सामना पाहायला मिळू शकतो. हा सामना किती वाजता सुरू होणार आणि त्याचे थेट प्रक्षेपण कुठे पाहता येणार, याबाबत जाणून घेऊया.
आशिया कप रायझिंग स्टार्स 2026 मध्ये इंडिया A आणि पाकिस्तान A यांच्यातील सामना रविवार, 22 नोव्हेंबर रोजी खेळवला जाणार आहे. कतारची राजधानी दोहा येथील वेस्ट एंड पार्क इंटरनॅशनल क्रिकेट स्टेडियमवर हा सामना रंगणार आहे.
भारत A आणि पाकिस्तान A यांच्यातील हा सामना भारतीय वेळेनुसार दुपारी 3:30 वाजता सुरू होईल. त्यापूर्वी दुपारी 3 वाजता नाणेफेक होणार आहे. कतारच्या स्थानिक वेळेनुसार हा सामना दुपारी 1 वाजता सुरू होईल.
यंदाची आशिया कप रायझिंग स्टार्स स्पर्धा एकदिवसीय स्वरूपात खेळवली जात आहे. त्यामुळे हा सामना 50 षटकांचा असेल. सामना पूर्ण झाल्यास रात्री साडेदहा वाजेपर्यंत चालू शकतो.
भारत आणि पाकिस्तान A यांच्यातील हा सामना टीव्हीवर सोनी स्पोर्ट्स नेटवर्कच्या चॅनेलवर थेट पाहता येणार आहे. चाहत्यांना हिंदी आणि इंग्रजी या दोन्ही भाषांमध्ये समालोचन ऐकता येईल. तसेच, मोबाईल, लॅपटॉप किंवा इतर डिजिटल उपकरणांवर हा सामना पाहायचा असल्यास चाहत्यांना SonyLIV ॲप आणि वेबसाइटवर थेट प्रक्षेपणाचा आनंद घेता येईल.
इंडिया A विरुद्ध पाकिस्तान A : दोन्ही संघांचे संपूर्ण स्क्वॉड
भारत अ: अभिषेक शर्मा, वैभव सूर्यवंशी, टिळक वर्मा (कर्णधार), आयुष बडोनी, रिंकू सिंग, कुमार कुशाग्रा (फलंदाज), शाहबाज अहमद, सूर्यांश शेडगे, विपराज निगम, हर्षित राणा, प्रिन्स यादव, तनुष कोटियन, हर्ष दुबे, प्रभासिमरन सिंग (फलंदाज), अरशद खान.
पाकिस्तान अ: शाहजेब खान, हैदर अली, अब्दुल समद (कर्ंधर), हसन नवाज, माझ सदाकत, रोहेल नझीर (यशस्त्ररक्षक), दानिश अझीझ, मोहम्मद इम्रान रंधावा, मोहम्मद हसनैन, अहमद दानियाल, सुफियान मोकीम, अली रझा, साद मसूद, शमिल हुसैन, फरहान युसूफ.
Comments are closed.