मित्र पक्षातील संभाव्य पक्ष प्रवेश थांबवा; अमित शाहांच्या भेटीनंतर एकनाथ शिंदेंचे शिवसेनेच्या न

मराठी Meets Amit Shah: शिवसेना शिंदे गटातील मंत्र्यांच्या नाराजीच्या पार्श्वभूमीवर उपमुख्यमंत्री आणि पक्षाचे प्रमुख नेते एकनाथ शिंदे (मराठी) यांनी काल (19 नोव्हेंबर) दिल्लीत केंद्रीय गृहमंत्री अमित शाह (Amit Shah) यांची भेट घेतली. या भेटीत शिंदे यांनी शाह यांच्यासमोर आपल्या तक्रारींची सविस्तर मांडणी केल्याची माहिती पुढे येत आहे. या चर्चेदरम्यान शिंदेंनी थेट मुख्यमंत्री देवेंद्र फडणवीस (Devendra Fadnavis) आणि भाजप प्रदेशाध्यक्ष रवींद्र चव्हाण (Ravindra Chavan) यांच्याबाबतची नाराजी शाहांसमोर मांडल्याची माहिती मिळते. कल्याण-डोंबिवलीसह अनेक भागांत भाजप प्रदेशाध्यक्षांच्या नेतृत्वात ‘ऑपरेशन लोटस’ राबवले गेले आणि भाजपने शिंदे गटातील अनेक माजी नगरसेवकांना फोडून आपल्या गळाला लावले. यावरून शिंदे आणि त्यांच्या सहकाऱ्यांनी तीव्र नाराजी दर्शवली. यावर बोलतांना अमित शाह यांनी मला बऱ्याचशा गोष्टी माहिती आहेत. माझं या सगळ्यावर लक्ष आहे, असं एकनाथ शिंदेंना सांगितल्याची माहिती सूत्रांकडून मिळत आहे. आता अमित शाह यांच्या भेटीनंतर उपमुख्यमंत्री एकनाथ शिंदे यांनी शिवसेनेचे मंत्री आणि पदाधिकाऱ्यांना महत्त्वाचे आदेश दिली आहेत.

मराठी: एकनाथ शिंदे यांचे शिवसेनेच्या मंत्र्यांना आदेश

भाजपने शिवसेनेच्या काही पदाधिकाऱ्यांना फोडून पक्ष प्रवेश दिल्यानंतर नाराज झालेल्या शिवसेनेने मित्र पक्षातील काही असंतुष्ट पदाधिकाऱ्यांना गळाला लावण्याची रणनीती आखली होती. 22 तारखेला मित्र पक्षातील या पदाधिकाऱ्यांचा प्रवेश सोहळा घ्यावा, अशी विनंती या नेत्यांनी एकनाथ शिंदे यांच्याकडे केली होती. परंतु, केंद्रीय गृहमंत्री अमित शहा आाणि मुख्यमंत्री एकनाथ शिंदे यांच्याशी गेल्या दोन दिवसांत झालेल्या चर्चेनंतर हे सर्व संभाव्य प्रवेश रोखण्याचे आदेश एकनाथ शिंदे यांनी दिले आहेत. महायुतीत वितुष्ट येईल, असं कोणतंही काम करू नका, असे शिंदे यांनी पदाधिकाऱ्यांना बजावले आहे.
हे पक्षप्रवेश प्रामुख्याने ठाणे, रत्नागिरीमराठवाडा, नवी मुंबई, रायगड या भागातले होते अशी माहिती समोर येत आहे.

मराठी Meets Amit Shah: अमित शाह यांच्या भेटीनंतर एकनाथ शिंदे काय म्हणाले?

अमित शाह यांची भेट घेतल्यानंतर एकनाथ शिंदेंनी माध्यमांशी संवाद साधला. यावेळी एकनाथ शिंदे म्हणाले होते की, मी तक्रारीचा पाढा वाचणारा नसून मी रडणारा नाही तर लढणारा आहे. राज्यातील छोटे-मोटे वाद आम्ही राष्ट्रीय पातळीवर आणत नसतो. मी आतमध्ये बसलोय आणि बाहेर तुमच्या बातम्या सुरु आहेत, तुम्ही पतंग उडवता. महायुतीमध्ये कुठेही मतभेद होणार नाहीत, याची काळजी प्रत्येक पक्षाने घेतली पाहिजे. हा राज्यातला विषय होता. हा विषय दिल्लीत नव्हताच, असे प्रतिक्रिया त्यांनी दिली होती.

आणखी वाचा

मराठी Meets Amit Shah: एकनाथ शिंदेंची अमित शाहांकडे फडणवीस अन् चव्हाणांची तक्रार; उद्धव ठाकरेंचंही घेतलं नाव, दिल्लीत काय घडलं?

आणखी वाचा