आधी भाऊ म्हटलं अन् नंतर बेस्ट फ्रेंड म्हणत लॉजवर नेऊन जबरदस्ती, शरीरसंबंधास नकार देताच घाणेरडं

पुणे: पुण्यातून एक धक्कादायक बातमी (Pune Crime News) समोर आली होती, पुण्यातील महिलेने एका पुरुषावर अत्याचार केल्याची घटना समोर आल्याने एकच खळबळ उडाली होती, या प्रकरणी कोथरूड पोलीस स्टेशनमध्ये महिलेवर गुन्हा दाखल करण्यात आला आहे. गुंगीचं औषध देऊन कोल्हापूरच्या इसमावर अत्याचार (Pune Crime News) करण्यात आला आहे. त्यासोबत काही अश्लील फोटो काढून पैशांची मागणी केली जात होती. गौरी वांजळे असे आरोपी महिलेचे नाव आहे. वकील असल्याची बतावणी करत महिलेकडून धमकी दिली जात होती. पुण्यातील महिलेच्या (Pune Crime News) राहत्या घरी, त्यानंतर कोल्हापूर येथील फिर्यादीच्या घरी देखील पुरुषावर बळजबरीचा प्रयत्न करण्यात आला होता. पुरुषाला बळजबरीने काशी विश्वनाथ या ठिकाणी घेऊन जाऊन त्याठिकाणीही अत्याचार करण्यात आला होता. या प्रकरणातील आरोपी महिलेची कुंडली आता समोर आली आहे. महिलेवर याआधी अट्रॉसिटीचा गुन्हा दाखल असल्याची माहिती पुणे पोलिसांनी दिली आहे.(Pune Crime News)

पोलिसांनी या प्रकरणी दिलेल्या माहितीनुसार, कोथरूड पोलीस स्टेशनच्या हद्दीत ही घटना घडली आहे. गुंगीचं औषध देऊन कोल्हापूरच्या इसमावर अत्याचार केला होता, असा दावा पीडित पुरुषाने केला आहे. या प्रकरणी पीडित इसमाच्या तक्रारीवरून कोथरूड पोलीस स्टेशनमध्ये महिलेवर करण्यात आला गुन्हा दाखल केला आहे.

Pune Crime News: पीडित पुरुषाने FIR मध्ये काय म्हटलं?

पीडित पुरुष हा ४७ वर्षांचा आहे. तो मुळचा कोल्हापूर येथील चंदगडमध्ये राहणारा आहे. पीडित इसमाला दोन मुली आणि पत्नी असा परिवार आहे. आरोपी गौरी ही पुण्यातील राहणारी आहे, तिची आणि माझी ओळख मी व माझे कुटुंब, सोबत 3 मित्र, त्याचे कुटुंब तुळजापूर येथे दि 07/11/2024 रोजी असे देवदर्शनासाठी गेलो होतो तेव्हा झाली आहे. त्यावेळी गौरी वांजळे त्या ओळखीचा फायदा घेवून माझ्या पत्नीस कॉल करुन आमचे घरी येवून राहायला लागली. घरी आल्यानंतर तिने सांगितलं की, मी यापुढे मला भाऊ माणणार असून भावाचं नातं ठेवणार आहे. मी हायकोर्टत वकिलीची प्रॅक्टीस करत असून माझे खूप मोठमोठ्या ओळखी आहेत. त्या ओळखीने तुमचे जे काही काम असेल ते मी तुम्हाला भाऊ या नात्याने करून देईन, असंही तिने म्हटलं होतं.

Pune Crime News: घाणेरडे वाक्य ऐकवण्यास सुरुवात

दुसऱ्या दिवशी तिला कलावती मंदिर बेळगाव इथं दर्शनासाठी जायचे असल्यानं मला विनंती केल्याने मी तिला दुचाकीवरुन घेऊन जात असताना त्यावेळी तिने सांगितलं की. यापुढे तुम्ही माझे बेस्ट फ्रेंड आहात तुमच्या अडचणीला मी नेहमी उभी राहीन. त्यावेळी ती माझ्यासोबत जवळीक करत असल्याने त्यावेळी मी तिला झटकण्याचा प्रयत्न केला. जाताना तिने मला घाणेरडे वाक्य ऐकवण्यास सुरुवात केल्यानं त्यावेळी मी तिला असे मला चालणार नाही. यापुढे तू आमच्या गावी येवू नको, असं सांगितलं.

Pune Crime News: फोन करून पैसे मागितले

देवदर्शन झाल्यानंतर मी तिला पुण्याला जाण्यास सांगितलं, असता तिने माझी माफी मागून यापुढे, असं बोलणार नाही असं सांगून मला रिक्वेस्ट करून माझ्या दुचाकीवरुन पुन्हा आमच्या घरी माझ्यासोबत आली. त्यादिवशी ती घरी आल्यानंतर मला आणि माझ्या पत्नीला विनंती करुन आमच्या घरी दोन दिवस राहिली. दुसऱ्या दिवशी सकाळी नेहमीप्रमाणे मी कामावर गेलो होतो, त्यावेळी मला फोन करून माझ्याकडे पैसे मागितले असता मी तिला नकार दिल्यानंतर माझा लहान भाऊ महेश कदम यांस विनंती करून ऑनलाईन 2000 रुपये घेतले.

Pune Crime News:  मला लॉजमधील रुममध्ये वॉशरूमला जायचं

त्यानंतर दुसऱ्या दिवशी तिला तिच्या घरी जायचं असल्याचं सांगून तिने पिडीत पुरूषाला चंदगड स्टँडपर्यंत सोडण्यासाठी विनंती केली, तिला दुचाकीवरुन घेऊन पिडीत चंदगड स्टँडला गेला असता त्याठिकाणी तिला वॉशरूमला जायचे असल्याचे तिने पिडीत व्यक्तीला सांगितले, त्याचबरोबर मी उघड्यावर वॉशरुमला जात नाही, मला लॉजमधील रुममध्ये वॉशरूमला जायचं आहे, अशी विनंती केल्याने त्याठिकाणी असलेल्या एका लॉजवर पिडीत व्यक्तीने जाण्यास सांगितलं. ती लॉजच्या रुममध्ये गेल्यानंतर तिने रुममध्ये येण्यास विनंती करून त्यांनाही बोलावून घेतले, मी खूप मोठी वकील आहे यापुढे मी तुमची साथ देईन, तुमच्या मुलांना मंत्रालयातील लोकांच्या ओळखीने नोकरीला लावेन, अशी आशा दाखवून माझा हात धरुन ओढण्यास सुरुवात केली. त्यावेळी मी तिला नकार देत खाली येवून थांबलो, असता थोड्या वेळाने ती देखील खाली आली. त्यावेळी ती स्वत: बस स्टँडवर जावून पुण्याची बस धरून पुण्याला गेली.

Pune Crime News: काशी विश्वनाथला जाण्याचा प्लॅन

त्यानंतर 13/02/2025 रोजी ते दिनांक 15/02/2025 रोजीपर्यंत आमच्या घरी थांबली. त्यांनतर ती पुण्याला गेलेनंतर तिथून माझ्या पत्नीला कॉल करुन सांगितलं की, आम्ही पुण्यातून माझी मैत्रीण स्वाती आणि तिची फॅमिली असे सर्वजण काशी विश्वनाथ दर्शनासाठी जाणार आहोत. मी तुमच्या पतीला भाऊ समजून सोबत घेवून जाणार आहे. कारण, सध्या प्रयागराज मध्ये कुंभमेळावा भरला आहे. काशी विश्वनाथला माझ्या सोबत पाठवा त्यावेळी माझ्या पत्नीने मला देवदर्शन घेवून या असं सांगुन पुण्याला पाठवलं. 25/02/2025 रोजी काशी विश्वनाथला जायचं असल्याने मी पुण्यात स्वारगेटवर आलो. त्यावेळी बहीण या नात्याने एक मोबाईल दिला. सांगितलं की, तुम्ही एकटे राहु नका माझ्या घरी चला. मी गौरी वांजळेच्या कोथरुडमधील घरी राहण्यास गेलो त्यानंतर तिने माझा मोबाईल काढून घेतला. सांगितलं की, स्वातीची सासू वारले असून त्यांचे येणे कॅन्सल झाले आहे. त्यामुळे आपण दोघेच विमानाने जायचे आहे. आपल्या दोघांच्या विमानाचे तिकीट मी काढले आहे, असं सांगितलं आणि मला तिच्या बेडरुममध्ये झोपवलं.

Pune Crime News: काहीतरी प्यायला देवून माझ्यासोबत अतिप्रसंग करण्याचा प्रयत्न

त्यावेळी मी झोपलो असताना तिने मला काहीतरी प्यायला देवून माझ्यासोबत अतिप्रसंग करण्याचा प्रयत्न केला त्यावेळी मी रागाच्या भरात तिथून निघून जात असताना माझा हात धरून माफी मागून जर येथून तू गेला तर तुला इथेच काहीतरी करीन, मी जे सांगेन त्याच पद्धतीने राहायचे. त्यानंतर 26/02/2025 रोजी काशी विश्वनाथला जायचे आहे, असे सांगून धमकी देवून जबरदस्तीने मला मुंबई एअरपोर्टवरुन काशी एयरपोर्टला नेले. त्यानंतर तिने मला धमकावलं की आता तू माझ्या कब्जात आहे जर काही कुरकुर केली तर तुला तुझ्या घरी जाऊन देणार नाही, तुझे कुटुंब उद्धवस्त करेन. मी घाबरून देवदर्शनासाठी होकार दिला.

Pune Crime News:  शारीरिक संबंधाची मागणी करुन जवळीक

त्यानंतर तिने मला देवदर्शनासाठी घेऊन तेथील पंडितांना माझ्या बाबतीत वाईट होणार आहे, असं सांगण्यास सांगितल्याने तेथील पंडितांनी मला शनी आहे, सोन्याची अंगठी घालावी लागेल, असं सांगितलं होतं. त्यानंतर तिने मला 3 दिवस जबरदस्तीने काशी विश्वनाथला ठेवून घेतले. मी वेगळी रूम करण्यास सांगितलं असता तू जर शहाणपण दाखवला तर तुला तुझ्या घरी जाणेस जागा ठेवणार नाही, असं धमकावलं.  मी ज्या रुममध्ये होतो त्या रुममध्ये येऊन माझ्या सोबत शारीरिक संबंधाची मागणी करुन जवळीक करु लागली. त्यादरम्यान माझ्या पत्नीचा कॉल आल्यावर आम्ही सर्वजण आहोत, असं सांगण्यास भाग पाडलं.

Pune Crime News: तू माझ्यासोबत लग्न कर नाहीतर मला आताच्या आता 2 लाख रुपये दे

या सर्व प्रकारानंतर घाबरत मी तिच्यासोबत पुण्याला आलो. पुण्यात आल्यानंतर जबरदस्तीने कल्याण ज्वेलर्स या ठिकाणी घेवून जावून एक सोन्याची अंगठी खरेदी करुन मला घालण्यास सांगितलं. जे काही झाले आहे ते कोणाला सांगितलं तर तुझी बदनामी करेन. तू माझ्यासोबत लग्न कर नाहीतर मला आताच्या आता 2 लाख रुपये दे, नाहीतर तुझ्या विरोधात पोलीस स्टेशन इथं जावून खोटी केस करेन, असं धमकावलं.  त्यानंतर कसा बसा मी तिच्या तावडीतून सुटका करून बसने चंदगडला माझ्या गावी गेलो. माझ्या घरी गेल्यानंतर झालेला सर्व प्रकार माझ्या पत्नीला सांगितल्यानं. माझ्या पत्नीने तिला फोनवर झाडलं.

Pune Crime News: कोणत्या न कोणत्या नंबर वरून कॉल करुन

त्यानंतर गौरी वांजळेने काही दिवस फोन केला नाही. थोड्या दिवसांनी पुन्हा कोणत्या न कोणत्या नंबर वरून कॉल करुन मला 2 लाख रुपये दे नाहीतर माझ्याकडील फोटो व्हायरल करेल, मी खूप लोकांना असं फसवलं आहे. जर तूला या कचाट्यातून बाहेर पडायचे असल्यास आत्ताच्या आत्ता 2 लाख रुपये पाठव. अशी धमकी दिली. त्यानंतर गौरी वांजळे ही कोल्हापुर येथे येवुन माझ्या पत्नीला फोन करून शिवीगाळ करुन सर्व खोटा प्रकार सांगून माझ्या सर्व वस्तू परत करण्यास सांगितल्यानं मी आणि माझी पत्नीने तिने दिलेल्या सर्व वस्तू कोल्हापूर येथे जावून परत करुन यापुढे कोणतेही संबंध न ठेवण्यास सांगितलं.त्याचा राग मनात धरून गौरी वांजळे हीने माझ्या विरोधात खोटा तक्रारी अर्ज दिला आहे. अखेरीस या प्रकरणी फिर्यादीने पोलीस स्टेशनमध्ये तक्रार दाखल केली आहे.

Pune Crime News: महिलेवर आधीही एक गुन्हा दाखल

पोलीस उपायुक्त संभाजी कदम यांनी या प्रकरणी दिलेल्या माहितीनुसार, आपल्याकडे काल एक तक्रार आली होती. या महिले विरोधात खंडणीचा गुन्हा दाखल करण्यात आला आहे. आरोपी महिला आणि फिर्यादी इसमाची तुळजापूर देवी मंदिरात ओळख झाली. ५ महिन्यांपूर्वी मार्च महिन्यात ही घटना घडली होती. मार्च महिन्यात फिर्यादी आणि आरोपीचं काही साथीदार हे तुळजापूरला फिरायला गेले होते. त्यानंतर काशी विश्वनाथ इथं गेले होते. ओळखीचा फायदा घेत काशी विश्वनाथ इथं अतिप्रसंग करण्याचा प्रयत्न केला. हा माझा भाऊ आहे हे सांगत काही देवाण घेवाण झाल्याची पण माहिती आहे. या  महिलेवर एक अट्रॉसिटीचा गुन्हा दाखल आहे, अशी माहिती समोर आली आहे.  काल गुन्हा दाखल झाला असून आरोपीला नोटीस देऊन चौकशीसाठी बोलवलं आहे, अशी माहिती दिली.

आणखी वाचा