काँग्रेसमध्ये काहीही शिल्लक राहिलेलं नाही, वडेट्टीवारांनी धनुष्यबाण घेऊन सत्तेत यावं : सामंत

उदय सामंत: काँग्रेस नेते विजय वडेट्टीवार ( Vijay Wadettiwar) यांनी सिद्धाराम म्हेत्रे यांचा आदर्श घेऊन शिवसेना शिंदे पक्षात यावे असे मत मंत्री उदय सामंत (Uday Samant)  यांनी व्यक्त केले. सामंत यांनी ऑन कॅमेरा  विजय वडेट्टीवार  यांना पक्ष प्रवेशाची ऑफर दिली आहे. आम्ही सुखाने नांदत आहोत, मात्र आमच्यासोबत तुम्ही देखील धनुष्यबाण घेऊन सत्तेत यावे असे सामंत म्हणाले. रावण होता म्हणून लंका वाईट म्हटली जाते पण त्यांनी इतिहास वाचला नसेल. त्यांना माझा सल्ला आहे की काँग्रेसमध्ये काहीही शिल्लक राहिलेले नाही. आम्ही त्यांना शिवसेनेत सन्मान देतो, विदर्भातील ते एक चांगले नेतृत्व असल्याचे सामंत म्हणाले.

विजय वडेट्टीवार यांनी खांद्याला धनुष्यबाण लावावा हे माझं त्यांना सांगणं असल्याचे सामंत म्हणाले. माझ्या बाजूला सिद्धाराम म्हेत्रे आहेत जे 60 वर्ष काँग्रेसमध्ये होते. त्यांना राजकारणातून अलिप्त व्हावे असे वाटत होते त्यावेळी त्यांना आशेचा किरण म्हणून एकनाथ शिंदे दिसल्याचे सामंत म्हणाले. त्यामुळे वडेट्टीवार साहेबांना शेवटचा आशेचा किरण दिसेल असे सामंत म्हणाले.

सिंधुदुर्गात काही वाद झाले ते गैरसमजातून झाले असावेत

मी कोणाचीही उनी-दूनी काढलेली नाहीत. माझ्या राजकीय जीवनात लोक माझी उनी दुनी काढतात मी कोणाची काढली नाहीत असे सामंत म्हणाले. सिंधुदुर्गात मैत्रीपूर्ण लढत सुरू आहे, त्यात थोडेफार मागेपुढे झालं असेल. मात्र निवडणुकीनंतर सर्वकाही व्यवस्थित घडेल असे सामंत म्हणाले. सिंधुदुर्गात काही वाद झाले ते गैरसमजातून झाले असावेत मात्र ते लवकर दुरुस्त होतील असं सामंत म्हणाले.

युती टिकवणे ही सर्वांची जबाबदारी

रवींद्र चव्हाण म्हणाले की दोन तारखेपर्यंत मला युती टिकवायची आहे. पण आपण म्हणताय तसे फक्त दोन तारखेपर्यंत युती टिकवायची असे ते म्हणाले नाहीत. युती टिकवणे ही सर्वांची जबाबदारी आहे. आमचे तीनही नेते मॅच्युर्ड पॉलिटिशन आहेत असे मत सामंत यांनी व्यक्त केले. शरद पवार हे महाराष्ट्रातील ज्येष्ठ नेते आहेत. त्यांनी कशा संदर्भात हे वक्तव्य केले आहे ते तपासावे लागेल असेही सामंत म्हणाले. आत्ता होणाऱ्या निवडणुकांना कोणतेही बंधन घालण्यात आलेले नाही. मात्र काही गोष्टींच्या अधीन राहून निकाल दिलेला आहे. निवडणुका झाल्यावर पन्नास टक्क्याबाबत सुप्रीम कोर्टाला काही वाटले तर त्याच्या आधीन राहून निकाल दिला असल्याचे सामंत म्हणाले.

आणखी वाचा