कंटेंट क्रिएटर्स, डॉक्टर… एक महिला आमदारासह 9 जणांनी घेतली मंत्रीपदाची शपथ, तामिळनाडूचे विजयच

Tamil Nadu Oath Ceremony: तमिळगा वेत्री कळघम (TVK) चे संस्थापक सी. जोसेफ विजय यांनी आज तमिळनाडूच्या मुख्यमंत्रीपदाची (Tamil Nadu Oath Ceremony) शपथ घेतली आहे. चेन्नईतील जवाहरलाल नेहरू इंडोर स्टेडियममध्ये आयोजित भव्य शपथविधी सोहळ्यात राज्यपाल राजेंद्र विश्वनाथ आर्लेकर यांनी विजय यांना पद आणि गोपनीयतेची शपथ दिली. विजय यांच्यासोबत नऊ मंत्र्यांनीही शपथ घेतली. या सोहळ्यासाठी विजय यांच्या समर्थकांनी मोठ्या संख्येने स्टेडियममध्ये उपस्थिती लावली होती.(Tamil Nadu Oath Ceremony)

शपथविधी सोहळ्यात थलपती विजय यांच्या समर्थकांमध्ये प्रचंड उत्साहाचे वातावरण पाहायला मिळाले. लोकसभेतील विरोधी पक्षनेते राहुल गांधी यांच्यासह विरोधी पक्षातील अनेक प्रमुख नेते या कार्यक्रमाला उपस्थित होते. टीव्हीके पक्षाने पहिल्यांदाच विधानसभा निवडणूक लढवली आणि पहिल्याच प्रयत्नात मोठे यश मिळवत तमिळनाडूच्या राजकारणात मोठा बदल घडवून आणला. विजय हे पहिल्यांदाच आमदार बनले असून आता त्यांनी मुख्यमंत्रीपदाची सूत्रे हाती घेतली आहेत.(Tamil Nadu Oath Ceremony)

Tamil Nadu Oath Ceremony:  एस. कीर्तना या मंत्रिमंडळातील एकमेव महिला मंत्री

या शपथविधीसह तमिळनाडूमध्ये प्रथमच एखाद्या गैर-द्रविड पक्षाचे सरकार स्थापन झाले आहे. त्यामुळे अखिल भारतीय अण्णा द्रविड मुनेत्र कळघम (AIADMK) आणि द्रविड मुनेत्र कळघम (DMK) यांच्या दीर्घकालीन वर्चस्वाला धक्का बसल्याचे मानले जात आहे. राज्यपाल आर्लेकर यांनी मुख्यमंत्रीपदासाठी नामनिर्देशित विजय यांच्या नऊ मंत्र्यांच्या नियुक्तीच्या शिफारशीला यापूर्वीच मंजुरी दिली होती. या मंत्रिमंडळात एन. आनंद, आधव अर्जुन, के. ए. सेंगोट्टैयन, एस. कीर्तना यांच्यासह नऊ जणांचा समावेश आहे. एस. कीर्तना या मंत्रिमंडळातील एकमेव महिला मंत्री असून त्या शिवकाशी मतदारसंघातून निवडून आल्या आहेत. त्यांनी यापूर्वी एम. के. स्टालिन यांच्यासोबतही काम केले आहे. विजय सरकारमध्ये शपथ घेतलेल्या मंत्र्यांमध्ये आधव अर्जुना, केजी अरुणराज, पी. वेंकटरमन, आर. निर्मलकुमार, राजमोहन, टीके प्रभू, एस. कीर्तना, एन. आनंद आणि केए सैंगोट्टेयन यांचा समावेश आहे.

तामिळनाडू शपथविधी: काही सामग्री निर्माते, काही डॉक्टर…

जोसेफ विजय यांनी तामिळनाडूचे मुख्यमंत्री म्हणून शपथ घेतली आहे. राज्यपाल विश्वनाथ अर्लेकर यांनी त्यांना पद आणि गोपनीयतेची शपथ दिली. त्यानंतर विजय यांच्यानंतर आनंद यांनी मंत्री म्हणून शपथ घेतली. विजय यांच्यानंतर, टीव्हीकेचे आमदार थिरू एन. आनंद यांनी तामिळनाडूमध्ये मंत्री म्हणून शपथ घेतली. ते विजय यांच्या जवळचे मानले जातात. त्यानंतर विजय यांचे निकटचे सहकारी आणि विल्लिवाक्कम मतदारसंघाचे आमदार अधव अर्जुन यांनी तिसऱ्यांदा शपथ घेतली. ते बास्केटबॉल फेडरेशनचे अध्यक्षही आहेत. त्यांनी डीएमकेचे कार्तिक मोहन यांचा पराभव केला. टीव्हीकेचे महासचिव अरुण राज यांनी शपथ घेतली. ते तिरुचेंगोडे मतदारसंघातून आमदार म्हणून निवडून आले आहेत. त्यांना प्रशासकीय कामाचा दांडगा अनुभव असून, तो विजय यांच्या सरकारसाठी उपयुक्त ठरेल. सेंगोत्तैयन हे विजय यांच्या सरकारमध्ये मंत्री झाले आहेत. राज्यपालांनी त्यांना शपथ दिली. तामिळनाडू एआयएडीएमकेचे आठ वेळा आमदार राहिलेले सेंगोत्तैयन टीव्हीकेमध्ये सामील झाले आणि जिंकले. त्यांनी जयललिता यांच्या सरकारमध्येही मंत्री म्हणून काम केले होते. टीव्हीकेसाठी निवडणूक व्यवस्थापन सांभाळणारे आणि विजय यांच्या निकटवर्तीयांपैकी एक मानले जाणारे पी. वेंकटरामन यांनीही मंत्री म्हणून शपथ घेतली. तिरुप्पनकुंद्रम मतदारसंघाचे आमदार आणि टीव्हीकेच्या सोशल मीडिया टीमचे उपाध्यक्ष आर. निर्मल कुमार यांनीही मंत्रीपदाची शपथ घेतली आहे. जेन्झीमध्ये लोकप्रिय असलेले राजमोहन हे टीव्हीकेचे उपसचिव आहेत. त्यांनी मंत्री म्हणून शपथही घेतली आहे. डिजिटल कंटेंट क्रिएटर म्हणून त्यांची एक वेगळी ओळख आहे. टी. के. प्रभू यांनी मंत्रीपदाची शपथ घेतली आहे. ते विजय यांचे विश्वासू मानले जातात. विजय यांनी आपल्या टीममध्ये एका महिला आमदाराचाही समावेश केला आहे. शिवकाशी मतदारसंघाच्या आमदार एस. कीर्तना यांची मंत्री म्हणून नियुक्ती करण्यात आली आहे. राज्यपालांनी त्यांना पद आणि गोपनीयतेची शपथ दिली.

सुमारे आठवडाभर चाललेल्या राजकीय घडामोडी आणि सरकार स्थापनेबाबतच्या अनिश्चिततेनंतर अखेर राज्यपाल व्हीआर आर्लेकर यांनी टीव्हीके प्रमुख विजय यांना सरकार स्थापनेसाठी निमंत्रण दिले होते. राजभवनात विजय आणि सहयोगी पक्षांच्या नेत्यांसोबत दोन तासांहून अधिक काळ बैठक झाल्यानंतर राज्यपालांनी त्यांची मुख्यमंत्रीपदी नियुक्ती जाहीर केली. सरकार स्थापनेसाठी विजय यांनी काँग्रेस, मार्क्सवादी कम्युनिस्ट पक्ष (माकपा), भारतीय कम्युनिस्ट पक्ष (भाकपा), विदुथलाई चिरुथिगल काची (VCK) आणि इंडियन युनियन मुस्लिम लीग (IUML) या पक्षांच्या आमदारांसह राजभवनात जाऊन सत्ता स्थापनेचा दावा केला होता. त्यांच्यासोबत काँग्रेस प्रभारी गिरीश चोडणकर, तमिळनाडू काँग्रेस अध्यक्ष के. सेल्वापेरुंथगई, माकपा राज्य सचिव पी. शन्मुगम, खासदार सु. वेंकटेशन तसेच सहयोगी पक्षांचे इतर नेते उपस्थित होते.

Tamil Nadu Oath Ceremony:  कोण आहेत एस. कीर्तना? २९ व्या वर्षी बनल्या आमदार

टीव्हीके (TVK) कडून निवडणूक जिंकून आमदार बनलेल्या एस. कीर्तना सध्या त्यांच्या हिंदी भाषेमुळे चर्चेत आल्या आहेत. अभिनेता विजय यांच्या कट्टर समर्थक असलेल्या एस. कीर्तना यांनी शिवकाशी मतदारसंघातून विजय मिळवला आहे. त्यांचे वय सध्या अवघे २९ वर्षे आहे. निवडणूक जिंकल्यानंतर हिंदीत संवाद साधून त्यांनी सर्वांचे लक्ष वेधून घेतले आहे. “मी हिंदीत यासाठी बोलत आहे कारण आपल्या नेत्याबद्दल सर्वांना माहिती असायला हवी,” असे त्यांचे म्हणणे आहे. गेल्या अनेक वर्षांपासून तामिळनाडूमध्ये हिंदीला तीव्र विरोध होत असताना कीर्तना यांनी हे धाडस दाखवले आहे.

एस. कीर्तना यांचे पूर्ण नाव कीर्तन संपत आहे. त्या २९ वर्षांच्या असून त्यांना अनेक भाषांचे ज्ञान आहे. त्या विजय यांच्या खूप मोठ्या चाहत्या आहेत. राजकारणात येण्यापूर्वी एस. कीर्तना यांनी राजकीय सल्लागार म्हणून काम केले आहे. त्यांनी पदव्युत्तर (PG) शिक्षण पूर्ण केले असून, यापूर्वी त्यांनी एम. के. स्टालिन यांच्यासह अनेक मोठ्या राजकीय नेत्यांसोबत काम केले आहे.

टीव्हीकेकडून निवडणूक लढवून शिवकाशीत विजय मिळवत त्यांनी इतिहास रचला आहे. त्या शिवकाशीच्या पहिल्या महिला आमदार ठरल्या आहेत. गेल्या ७० वर्षांपासून या जागेवर असलेल्या पुरुष नेत्यांच्या वर्चस्वाला त्यांनी छेद दिला आहे. हिंदीला विरोध करण्याऐवजी, राष्ट्रीय स्तरावर जोडले जाण्यासाठी त्या या भाषेला आवश्यक मानतात. टीव्हीके आमदार आणि नेत्या म्हणून त्या अस्खलित हिंदी बोलून सर्वांना थक्क करत आहेत. विशेष म्हणजे, एस. कीर्तना यांनी तमिळ माध्यमाच्या सरकारी शाळेतून शिक्षण घेतले असून, त्यानंतर त्यांनी इतर भाषांचे ज्ञान आत्मसात केले आहे.

आणखी वाचा