विजेत्या RCB वर 20 कोटींचा पाऊस, तर पराभूत गुजरातच्या वाट्याला आले फक्त…; बीसीसीआयने रिकामी क
RCB चॅम्पियन्स IPL 2026 बक्षीस रक्कम : रजत पाटीदारच्या नेतृत्वात रॉयल चॅलेंजर्स बंगळुरूनं सलग दुसऱ्यांदा आयपीएलच्या विजेतेपदावर आपलं नाव कोरलं. अहमदाबादच्या नरेंद्र मोदी स्टेडियमवर खेळवण्यात आलेल्या अंतिम सामन्यात बंगळुरूनं गुजरात टायटन्सचा धुव्वा उडवला. या सामन्यात आरसीबीच्या प्रभावी आक्रमणासमोर गुजरातला 20 षटकात 8 बाद 155 धावांचीच मजल मारता आली. त्यानंतर विराट कोहलीच्या दमदार अर्धशतकाच्या खेळीच्या जोरावर आरसीबीनं 156 धावांचं हे आव्हान आरामात पार केलं.
विराटनं आपला अनुभव पुन्हा एकदा पणाला लावत आरसीबीला ही ट्रॉफी जिंकून देण्यात मोलाचं योगदान बजावलं. या जेतेपदानंतर आरसीबी आयपीएलमध्ये सलग दोन वेळा ट्रॉफी जिंकणारा दुसराच संघ ठरलाय. याआधी चेन्नईनं 2010 आणि 2011 साली आयपीएलची ट्रॉफी उंचावली होती.
𝘾.𝙃.𝘼.𝙈.𝙋.𝙄.𝙊.𝙉.𝙎 🏆🏆@RCBTweets पुन्हा केले आहे ❤️#TATAIPL | #फायनल | #The FinalLeap | #RCBvGT pic.twitter.com/ww2zB98Xb8
— इंडियन प्रीमियर लीग (@IPL) 31 मे 2026
विजेत्या RCB वर 20 कोटींचा पाऊस (RCB Champions IPL 2026 Prize Money)
भारतीय क्रिकेट नियामक मंडळाने (BCCI) आयपीएल 2026 साठी तब्बल 46.5 कोटी रुपयांची एकूण बक्षीस रक्कम राखून ठेवली आहे. विजेत्या आणि उपविजेत्या संघांसह प्लेऑफमधील इतर संघांवरही पैशांचा वर्षाव झाला आहे. फायनल जिंकणाऱ्या आणि चमचमाती ट्रॉफी उचलणाऱ्या रॉयल चॅलेंजर्स बंगळुरूला प्राइज मनी म्हणून 20 कोटी रुपये मिळाले आहेत. अंतिम सामन्यात पराभूत झालेल्या उपविजेता गुजरात टायटन्सला 13 कोटी रुपयांवर समाधान मानावे लागले. क्वालिफायर 2 मध्ये पराभूत होऊन तिसऱ्या क्रमांकावर राहिलेल्या राजस्थान रॉयल्सला 7 कोटी रुपये मिळतील. एलिमिनेटरमधून बाहेर पडलेल्या हैदराबादला (RR) 6.5 कोटी रुपये दिले जातील.
कर्णधार रजत पाटीदारने रचला इतिहास (RCB vs GT IPL 2026 Final)
या ऐतिहासिक विजयासोबतच आरसीबीने आयपीएलच्या इतिहासात एका मोठ्या विक्रमाची नोंद केली आहे. मुंबई इंडियन्स (MI) आणि चेन्नई सुपर किंग्स (CSK) नंतर सलग दोनदा आयपीएल ट्रॉफी जिंकणारा आरसीबी हा केवळ तिसरा संघ ठरला आहे. यापूर्वी केवळ एम.एस. धोनी आणि रोहित शर्मा या दिग्गज कर्णधारांनाच ही किमया साधता आली होती. आता या एलिट क्लबमध्ये आरसीबीचा कर्णधार रजत पाटीदारचा समावेश झाला असून, त्याने क्रिकेट जगतात आपले नाव सुवर्णअक्षरांनी कोरले आहे.
हे आपण किती वेळा पाहिले आहे 🤩
विराट कोहली त्याच्या घटकात 🔥
अपडेट्स ▶️ https://t.co/Yz6K3q6w0X#TATAIPL | #फायनल | #The FinalLeap | #RCBvGT pic.twitter.com/dE3LEi8NQT
— इंडियन प्रीमियर लीग (@IPL) 31 मे 2026
हे ही वाचा –
आणखी वाचा
Comments are closed.