इंडियन प्रीमियर लीगमध्ये (IPL) सध्या एक नवा कल पाहायला मिळत आहे, जिथे फलंदाज पहिल्याच चेंडूपासून चौकार-षटकार मारण्याचा प्रयत्न करतात. वैभव सूर्यवंशी, अभिषेक शर्मा आणि प्रियांश आर्य यांसारख्या स्फोटक फलंदाजांच्या युगात, फलंदाज पहिल्या षटकात अशा प्रकारे बॅट फिरवतात जणू संपूर्ण डावात 20 नाही तर फक्त एकच षटक शिल्लक आहे. यामुळेच अनेक संघांनी डावाच्या पहिल्याच षटकात धावांचा पाऊस पाडला आहे.
आयपीएलच्या इतिहासात पहिल्या षटकात सर्वाधिक धावा करण्याचा विक्रम राजस्थान रॉयल्सच्या नावावर आहे. 2023 मध्ये कोलकाता नाईट रायडर्सविरुद्ध (KKR) त्यांनी पहिल्या 6 चेंडूंमध्ये 26 धावा वसूल केल्या होत्या. त्या षटकात एकट्या यशस्वी जयस्वालने 2 षटकार आणि 3 चौकार मारले होते. या यादीत दिल्लीचा संघ दुसऱ्या स्थानावर आहे. 2021 मध्ये त्यांनी कोलकाता नाईट रायडर्सविरुद्ध पहिल्या षटकात 24 धावा केल्या होत्या.
चालू हंगामात कोलकाताच्या फिन ॲलनने असा काही धुमाकूळ घातला की, केकेआरने पहिल्याच षटकात 24 धावा कुटल्या. तसेच, पंजाब किंग्सने IPL 2026 मध्ये दिल्ली कॅपिटल्सविरुद्ध पहिल्या षटकात 22 धावा केल्या होत्या. राजस्थान रॉयल्सने देखील एकदा एका षटकात 22 धावा केल्या आहेत. राजस्थान रॉयल्स 21 धावा ही आयपीएलच्या दुसऱ्या हंगामातील गोष्ट आहे, जेव्हा राजस्थान रॉयल्सचा नमन ओझा गोलंदाजांवर तुटून पडला होता. तेव्हा त्यांनी KKR विरुद्ध पहिल्या षटकात 21 धावा केल्या होत्या.
पहिल्या षटकातील सर्वाधिक धावांची आकडेवारी:
26 धावा- राजस्थान रॉयल्स
24 धावा- दिल्ली कॅपिटल्स
24 धावा- कोलकाता नाईट रायडर्स
22 धावा- राजस्थान रॉयल्स
22 छापे- पंजाब किंग्स
Comments are closed.