’15 मिनिटांत घरी पोहोचतोय, वाढदिवसासाठी पावभाजीचं सामान घेतलंय’; पण नवले ब्रीजजवळ भीषण अपघात अन

पुणे: पुण्यातील नवले ब्रीज परिसरामध्ये गुरूवारी(ता, १३) झालेल्या भीषण अपघाताच्या (Pune Navle Bridge Container And Car Accident) घटनेमध्ये संपूर्ण कुटुंबाचा होरपळून मृत्यू झाला. पुण्यातील नवले पुलावर झालेल्या या अपघातात ८ जणांचा दुर्दैवी मृत्यू झाला. यामध्ये एका चिमुकलीचाही समावेश आहे. ही घटना हृदय पिळवटून टाकणारी होती. या दुर्घटनेत एकूण 8 जणांचा मृत्यू झाला तर अनेक जण जखमी झालेत.(Pune Navle Bridge Container And Car Accident)

Pune Navle Bridge Accident : आम्ही 15 मिनिटांत घरी पोहोचेल

दरम्यान या अपघाताच्या दुर्दैवी मृत्यू झालेल्या कुटुंबाने अवघ्या 15 मिनिटांआधी आपल्या घरी फोन केला होता, आणि कळवलं होतं की, ‘आम्ही 15 मिनिटांत घरी पोहोचेल, मुलीचा वाढदिवस साजरा करायचा आहे म्हणून पावभाजीचं सामान देखील घेतलं आहे, तयारीला लागा’. परंतु हा आनंदाचा तो क्षण त्यांच्या नशिबातच नव्हता. काही क्षणात हा भयानक अपघात झाला आणि त्यातील सर्वांचा होरपळून मृत्यू झाला.(Pune Navle Bridge Container And Car Accident)

Pune Navle Bridge Accident : मोक्षिता मावशीसोबत जाण्याचा हट्ट करून स्वाती यांच्यासोबत गेली

पुण्यातील या अपघातानंतर त्यांच्या कुटुंबांवर दुःखाचा डोंगर आला आहे. स्वाती संतोष नवलकर यांच्या वडीलांना आधीच पॅरालिसिसचा झटका आल्यामुळे स्वाती यांनी नसरापूरच्या दत्ताच्या पाच गुरुवारांचा नवस केला होता. कालचा गुरुवार हा नवसाचा पाचवा आणि अंतिम गुरुवार होता. नसरापूरला दर्शन घेऊन मुलगी, आई आणि वडील हे तिघे परत येत होते.त्याचबरोबर त्यांच्यासोबत मोशीतील पॅराडाईज वन सोसायटीतील रहिवासी हेमकुमार रेड्डी यांची तीन वर्षांची चिमुकली मुलगी मोक्षिता रेडी देखील होती, हिचा देखील गुरुवारी (दि. १३) पुण्यात नवले पुलावरील कंटेनर अपघातात मृत्यू झाला. रेड्डी आणि नवलकर कुटुंबाचे मैत्रीपूर्ण संबंध असल्याने रेड्डी कुटुंब नवलकर यांच्या घरी धायरीला गेले होते. गुरुवारी स्वाती नवलकर यांनी देवदर्शनाला जाण्याचे नियोजन केले असताना मोक्षिता मावशीसोबत जाण्याचा हट्ट करून स्वाती यांच्यासोबत गेली होती. देवदर्शनावरून येताना हा अपघात झाला.(Pune Navle Bridge Container And Car Accident)

Pune Navle Bridge Accident : सर्वजण जिवंत होरपळले

तर स्वाती यांनी आपल्या घरी असलेल्या मुलीशी फोनवर बोलून म्हणाल्या होत्या, ‘पावभाजीचं सगळं साहित्य घेतलंय, वाढदिवसाच्या तयारीला लागा’. परंतु हे तिघे स्वाती नवलकर, शांता दाभाडे आणि दत्तात्रय दाभाडे यांचा दुर्दैवी अंत झाला. नवले पुलावर घडलेल्या भीषण अपघातात त्यांच्या कारला आग लागली आणि सर्वजण जिवंत होरपळले यामध्ये त्यांचा दुर्दैवी मृत्यू झाला.

‘दोन भल्या मोठ्या ट्रकमध्ये अडकलेल्या चारचाकी वाहनातून ‘वाचवा वाचवा’ असे आवाज येत होता. आत अडकलेल्या जखमी व्यक्ती सुटकेसाठी मदतीची याचना करीत असतानाच मोठा स्फोट झाला अन् आग भडकली, आणि आम्ही काहीच करू शकलो नाही, असं काही प्रत्यक्षदर्शींनी सांगितलं. मुंबई-बेंगळुरु महामार्गावरील नवीन कात्रज बोगद्यापुढे नवले पुलाजवळील उतारावर गुरुवारी संध्याकाळी मालवाहू ट्रकने आठ ते दहा वाहनांना ठोकर देऊन कारला जोरदार धडक दिली. त्यानंतर आग लागून झालेल्या अपघातात आठ जणांचा होरपळून मृत्यू झाला. तर अनेक जण जखमी झाले. या घटनेनं हळहळ व्यक्त होत आहे.

Pune Navle Bridge Accident : मृत व्यक्तींची नावे

स्वाती संतोष नवलकर (वय 37)
रा. विश्वास पॅलेस, धायरी फाटा, पुणे
शांता दत्तात्रय दाभाडे (वय 54)
स्वाती नवलकर यांची आई
दत्तात्रय चंद्रकांत दाभाडे (वय 58)
रा. सत्यसाई अपार्टमेंट, फ्लॅट क्र. 10, धायरी फाटा, पुणे
स्वाती नवलकर यांचे वडील
मोक्षिता हेमकुमार रेड्डी (वय 3)
रा. पॅराडाईज वन, चिखली, पुणे
धनंजय कुमार कोळी (वय 30)
रा. सोनवणे वस्ती, चिखली; मूळगाव जयसिंगपूर, कोल्हापूर
चारचाकीचे चालक

आणखी वाचा