सुनील नरेनने रचला इतिहास! आयपीएलमध्ये 'अशी' कामगिरी करणारा ठरला पहिलाच परदेशी खेळाडू

आयपीएल २०२६ मध्ये रविवारी (३ मे) पहिला सामना सनरायझर्स हैद्राबाद विरुद्ध कोलकाता नाईट रायडर्स यांच्यात खेळला गेला. हैद्राबादमध्ये खेळल्या गेलेल्या या सामन्यात यजमान संघाने नाणेफेक जिंकत प्रथम फलंदाजी करण्याचा निर्णय घेतला. केकेआरने प्रथम गोलंदाजी करताना त्यांना चांगलेच आव्हान दिले. त्यांच्या स्टार फिरकीपटूने एक विक्रम आपल्या नावे केला आहे. सुनील नरेनने आयपीएलच्या इतिहासात २०० विकेट्सचा टप्पा गाठला आहे.

नरेन आयपीएलमध्ये २०० विकेट्स घेणारा पहिलाच परदेशी गोलंदाज ठरला आहे. तसेच आयपीएलच्या इतिहासात २०० विकेट्सचा टप्पा गाठणारा तो तिसरा गोलंदाज ठरला. त्याचबरोबर एकाच फ्रँचायझीसाठी ही कामगिरी करणारा पहिलाच गोलंदाज.