टीम इंडियातून दिग्गजांना डच्चू की विश्रांती?, अफगाणिस्तानविरुद्ध कसोटीपूर्वी BCCI मोठा निर्णय घ

टीम इंडियाचा संघ विरुद्ध अफगाणिस्तान कसोटी: आयपीएल 2026 नंतर भारतीय क्रिकेट संघाचा शेड्यूल खूपच व्यस्त होणार आहे. 31 मे रोजी होणाऱ्या आयपीएल फायनलनंतर अवघ्या 6 दिवसांत, म्हणजेच 6 जूनपासून अफगाणिस्तानविरुद्ध एकमेव कसोटी सामना खेळला जाणार आहे. या टाइट शेड्यूलचा विचार करून भारतीय क्रिकेट नियामक मंडळ (BCCI) आपल्या वरिष्ठ खेळाडूंविषयी मोठा निर्णय घेण्याच्या तयारीत आहे.

मोठ्या खेळाडूंना मिळू शकतो आराम

बीसीसीआयच्या सूत्रांनुसार, आयपीएलनंतर लगेच होणाऱ्या अफगाणिस्तानविरुद्धच्या कसोटी सामन्यात जसप्रीत बुमराह आणि शुभमन गिल यांसारख्या स्टार खेळाडूंना विश्रांती दिली जाऊ शकते. यामागचे मुख्य कारण म्हणजे वर्कलोड मॅनेजमेंट आहे. जवळपास दोन महिने सतत आयपीएल खेळल्यानंतर खेळाडूंमध्ये थकवा आणि बर्नआउट होण्याचा धोका वाढतो. याशिवाय, अफगाणिस्तानविरुद्धचा हा कसोटी सामना वर्ल्ड टेस्ट चॅम्पियनशिप (WTC) चक्राचा भाग नसल्याने, बोर्ड त्याला तुलनेने कमी महत्त्वाचा सामना मानत आहे. (टीम इंडिया संघ विरुद्ध अफगाणिस्तान कसोटी)

WTC आणि वनडे वर्ल्ड कपवर लक्ष

भारतीय टीम मॅनेजमेंटसाठी सध्या अफगाणिस्तान कसोटीपेक्षा आगामी डब्ल्यूटीसी सामने आणि पुढील वर्षी होणारा वनडे वर्ल्ड कप अधिक महत्त्वाचे आहेत. अफगाणिस्तान मालिकेनंतर भारताला श्रीलंका आणि न्यूझीलंडविरुद्ध प्रत्येकी दोन कसोटी सामने खेळायचे आहेत, जे डब्ल्यूटीसी फायनलच्या दृष्टीने निर्णायक ठरणार आहेत. सूत्रांच्या मते, “आमची प्राथमिकता डब्ल्यूटीसी आणि वनडे वर्ल्ड कप आहे. आमचे प्रमुख खेळाडू फिट आणि फ्रेश राहणे गरजेचे आहे. अशा परिस्थितीत बुमराहसारख्या गोलंदाजाला कमी महत्त्वाच्या सामन्यात खेळवून धोका का पत्करावा?”

आयपीएल निकालांवर अवलंबून अंतिम निर्णय

पण, वरिष्ठ खेळाडूंना विश्रांती द्यायचा अंतिम निर्णय आयपीएल 2026 च्या प्लेऑफ आणि फायनलच्या निकालांवरही अवलंबून असेल. जर मुंबई इंडियन्स किंवा गुजरात टायटन्स फायनलपर्यंत पोहोचले नाहीत, तर निवड समिती आपली रणनीती बदलू शकते. खेळाडू लवकर मोकळे झाल्यास त्यांना कसोटी संघात संधी मिळू शकते. अंतिम निर्णय निवड समितीच्या बैठकीत घेतला जाईल.

कसोटीत विश्रांती, वनडेमध्ये पुनरागमन

जरी काही वरिष्ठ खेळाडूंना कसोटी सामन्यात विश्रांती दिली, तरी अफगाणिस्तानविरुद्धच्या तीन सामन्यांच्या वनडे मालिकेत त्यांचे पुनरागमन होण्याची शक्यता आहे. त्यानंतर भारताचा संघ इंग्लंडविरुद्ध व्हाईट-बॉल मालिकेसाठी रवाना होणार आहे.

हे ही वाचा –

Yusuf Pathan Farher In Law Case: युसूफ पठाणच्या सासऱ्याला मुंबई पोलिसांनी केली अटक, मेहुण्यालाही घेतले ताब्यात; नेमकं प्रकरण काय?

आणखी वाचा