टीईटी पेपरफुटी प्रकरणात पोलिसांची मोठी कारवाई; फरार मुख्य आरोपी बिजेंद्र गुप्ताला बिहारमधून अटक

TET पेपर लीक प्रकरण: टेटच्या कागदफुटी प्रकरणात एक मोठी अपडेट समोर आली आहे. चहाइटी पेपर फुटी प्रकरणातील (TET Paper Leak Crime Case) मुख्य आरोपीला बिहारमधून अटक करण्यात आली आहे. बिजेंदर कुमार गुप्ता असं या आरोपीच नाव असून त्याला बिहारमधून (Bihar) पोलिसांनी अटक केली आहे. (TET Paper Leak Case Accused Arrested)

दरम्यान, या मुख्यसूत्रधार आरोपीला पोलिसांनी बिहारमधून मुंबई आणि नंतर भिवंडी येथे आणण्यात येत आहे. या प्रकरणी आतापर्यंत या 13 आरोपींना अटक करण्यात आली आहे. तर याआधी 12 आरोपींना न्यायालयीन कोठडी सुनावण्यात आली आहे. त्यानंतर पोलिसांनी मोठी कारवाई करत यातील फरार मुख्य आरोपीच्या मुसक्या आवळल्या आहे.

TET Paper Leak Case: अवघ्या आठ हजार रुपयांमध्ये मिळवला कागददीड कोटीमध्ये विक्रीचा बेत, पण…

मिळालेल्या माहितीनुसारबीजेंदर कुमार गुप्ता हा पेपर फुटी प्रकरणातला मुख्य आरोपी होता. विजेंदर कुमार गुप्ता याने साथीदार सोनूसह मिळून छापखान्यातील कर्मचाऱ्यांना पैसे व प्रॉपर्टीचे आमिष दाखवून पेपर मिळवले. छापखान्यातून बुटात लपून पेपर बाहेर काढण्यात आले होते. दरम्यान, हे कागद अवघ्या आठ हजार रुपयांमध्ये मिळवण्यात आले होते.व हे पेपर विक्री करण्यासाठी महाराष्ट्रातील भिवंडीत व पुण्यात आणले होते. तब्बल दीड कोटीमध्ये या पेपरची विक्री होणार होती. परंतु भिवंडी पोलीस ग्राहक बनून भिवंडीत टीईटी पेपर विक्रीचा पर्दाफाश केलाहे.

Mumbai Police Action : पटना येथे थरारक कारवाई; मुख्यसूत्रधार फरार आरोपी ठाणे पोलिसांच्या जाळ्यात

भिवंडीच्या कोनगाव पोलीस ठाण्यात दाखल असलेल्या गुन्हा क्रमांक 281/2026 मधील फरार असलेल्या आरोपींला ठाणे शहर आयुक्तालयातील भिवंडी पोलिसांनी बिहारमधील पटना येथे अत्यंत नियोजनबद्ध व धाडसी कारवाई करत ताब्यात घेतले. या कारवाईमुळे परीक्षा गैरप्रकार प्रकरणाच्या तपासाला मोठे यश मिळाले आहे. सदर गुन्हा भारतीय न्याय संहिता कलम 318(4), 316(5), 61(2) तसेच महाराष्ट्र विद्यापीठ व इतर विनिर्दिष्ट परीक्षा (अनुचित साधनांच्या वापरास प्रतिबंध) अधिनियम, 1982 मधील कलम 6 व 8 आणि सार्वजनिक परीक्षा (अनुचित साधनांची प्रतिबंधक उपाययोजना) अधिनियम, 2024 मधील कलम 11(1), 11(2), 11(3), 12(1) व 12(2) अन्वये नोंदविण्यात आला आहे.

या गुन्ह्यातील मुख्य आरोपी बिजेंद्र कुमार बालेश्वर शहा (वय 43) व त्याचा साथीदार हे फरार होते. त्यांचा शोध घेण्यासाठी ठाणे शहर पोलीस आयुक्तालयातील पोलिसांनी सातत्याने तांत्रिक विश्लेषण, गुप्त माहिती आणि विविध राज्यांतील समन्वयाच्या आधारे शोधमोहीम राबवली. अखेर बिहार राज्यातील पटना येथे अत्यंत फिल्मी आणि धाडसी पद्धतीने दोन्ही आरोपींना ताब्यात घेण्यात यश आले. ठाणे शहर पोलीस आयुक्तालयातील, भिवंडी पोलीस यांच्या ह्या उल्लेखनीय कारवाई करिता राज्य व देशभरातून कौतुक केले जात आहे.

इतर महत्वाच्या बातम्या

शैक्षणिक कर्ज माहिती:
शैक्षणिक कर्ज EMI ची गणना करा