“सरकारला मतदारांनी निवडून दिले नाही तर…”, मफलर मॅननंतर रोहित पवारांचा SIR ऑडिओ बॉम्ब, थेट पुरावाच मांडला
राष्ट्रवादी काँग्रेस शरदचंद्र पवार पक्षाचे आमदार रोहित पवार यांनी मतचोरीचा थेट पुरावाच मांडला असून एक्सवर एक खळबळजनक ऑडिओ क्लिप शेअर केली आहे. सरकारला मतदारांनी निवडून दिले नाही, तर मतांची चोरी करून सत्तेचा इमला बांधल्याचे या ऑडिओ क्लिपमधून स्पष्ट होत असल्याचा दावा रोहित पवार यांनी केला आहे. भाजपने विरोधी विचारांच्या खऱ्या मतदारांची नावे मतदार यादीतून वगळून, रडीचा डाव खेळून सत्ता मिळवल्याचा हा पुरावाच असल्याचा आरोपही रोहित पवार यांनी केला.
निवडणूक जिंकण्यासाठी विरोधी विचारांच्या खऱ्या मतदारांची मतदार यादीतून नावं भाजपाने कशी वगळली आणि रडीचा डाव खेळून सत्ता कशी मिळवली त्याचा घ्या हा पुरावा…
या ऑडिओतून शंभर टक्के खात्री झाली की या सरकारला मतदारांनी निवडून दिल नाही तर यांनी मतांची चोरी करुन सत्तेचा इमला बांधला. त्यामुळं एक क्षणही या सरकारला सत्तेत राहण्याचा नैतिक अधिकार नाही..!@ECISVEEP
#मतचोरी #VoteChori #SaveDemocracy #ECI #ElectionCommissionOfIndia
– रोहित पवार (@RRPSpeaks) 19 नोव्हेंबर 2026
Comments are closed.