टीम इंडिया सर्वांपेक्षा कोसो दूर..', पाक प्रशिक्षकांच्या कबुलीने पाकिस्तानी चाहते संतापले! वाचा काय म्हणाले?

पाकिस्तान क्रिकेट संघ किती वाईट परिस्थितीत आहे, याचा अंदाज यावरूनच लावला जाऊ शकतो की कोणत्याही फॉरमॅटमध्ये पाकिस्तान जगातील टॉप-4 संघांमध्ये समाविष्ट नाही. दरम्यान, पाकिस्तान संघाचे मुख्य प्रशिक्षक माईक हेसन (Mike Hason) यांचे एक विधान समोर आले आहे.

त्यांच्या मते, सध्या जगात भारतीय संघाचे (Pakistan Head Coach Mike Hason on Indian cricket team) वर्चस्व आहे आणि केवळ भारताच्या विरुद्धच्या निकालांच्या आधारावर पाकिस्तान संघाचे मूल्यमापन केले जाऊ नये. ईएसपीएन क्रिकइन्फोशी संवाद साधताना माईक हेसन म्हणाले की, भारत सध्या क्रिकेटमध्ये अव्वल स्थानी आहे. पाकिस्तान संघाचे मूल्यमापन टीम इंडियाविरुद्धच्या निकालांच्या आधारावर केले जाऊ नये.

ते म्हणाले की, केवळ पाकिस्तानच नाही, तर सध्या जगातील बहुतेक संघ भारताच्या विरोधात संघर्ष करताना दिसत आहेत. तसेच, गेल्या वर्षीच्या आशिया चषकाबाबत माईक हेसन म्हणाले, गेल्या वर्षीच्या आशिया चषकाकडे पाहिले तर आपण भारताशिवाय इतर सर्व संघांविरुद्ध विजय मिळवला होता. सत्य हे आहे की सध्याच्या काळात बहुतांश संघांना भारतावर विजय मिळवणे कठीण जात आहे. माहीत नाही का, पाकिस्तानचे मूल्यमापन भारताच्या विरोधातील सामन्यांच्या आधारावर का केले जाते. सध्या भारत केवळ जगातील सर्वोत्तम संघ नाही, तर तो इतरांपेक्षा खूप पुढे आहे.

टीम इंडियाचा चांगलाच दबदबा क्रिकेटमध्ये दिसत आहे, कारण भारत सध्या दोन्ही व्हाईट बॉल फॉरमॅटमध्ये जगातील नंबर-1 संघ आहे. टीम इंडिया वनडे आणि टी-20 मध्ये जगातील नंबर-१L1 संघ आहे. कसोटी क्रमवारीत भारत सध्या चौथ्या स्थानावर आहे. भारत आणि पाकिस्तानने (India and Pakistan) एका दशकाहून अधिक काळ कोणतीही द्विपक्षीय मालिका खेळलेली नाही. आता त्यांची गाठ केवळ आंतरराष्ट्रीय स्पर्धांमध्येच पडते.