सोलापूर, बीड, धाराशिवमध्ये कोणाची बाजी, शिंदेंच्या शिवसेनेनं सांगोला जिंकलं, भाजपला दे धक्का

मुंबई : राज्यातील नगरपालिका निवडणुकांचे (Election) निकाल हाती येत असून सोलापूर जिल्ह्यातील 11 नगरपालिका आणि 2 नगरपंचायत निवडणुकांचे निकाल समोर आले आहेत. त्यामध्ये, बहुतांश नगरपालिकेवर भाजपचे कमळ खुलले आहे. महायुती विरुद्ध महाविकास आघाडी (MVA) आणि बहुतांश ठिकाणी स्थानिक नेत्यांनी स्वतंत्रपणे पक्षाच्या निवडणुका लढवल्या आहेत. त्यानुसार, सोलापूर (Solapur)धाराशिव आणि बीड नगरपालिकांचे निकाल आपण या बातमीत पाहणार आहोत. त्यानुसार, सोलापूर जिल्ह्यात भाजप आणि शिवसेना शिंदे गटात चांगलीच चुरस पाहायला मिळते.

सोलापूर निकाल

सोलापूर जिल्ह्यात भाजपची स्वबळावर लढण्याची रणनीती चुकली?

जिल्ह्यातील 12 पैकी केवळ 3 नगरपालिकावर भाजप विजयी, बार्शीत ही भाजपचा उमेदवार आघाडीवर

तर महायुतीमधील मित्रपक्ष असलेल्या शिवसेना शिंदे गटाची 3 जागावर विजयी

सोलापूर जिल्ह्यातील 12 पैकी 7 जागावर महायुतीची आघाडी तर 3 जागावर स्थानिक आघाडीचे उमेदवार विजयी

विरोधी पक्षातील ठाकरे गट आणि शरद पवार गट एक-एक नगरपरिषदेवर आघाडीवर

काँग्रेस मात्र सोलापूर जिल्ह्यातून हद्दपार, जिल्ह्यात काँग्रेसचा नगराध्यक्ष पदावर एक ही उमेदवार विजयी नाही

सोलापूर जिल्हा नगराध्यक्ष आघाडी कोणाची?

एकूण – 11 नगरपरिषद + 1 नगरपंचायत

भाजप – 3 नगरपरिषदा, 1 नगर पंचायत
(अक्कलकोट, मांडरगी, बार्शी, अनगर)

शिवसेना शिंदे – 3
(दूधनी, मोहोळ, सांगोला)

शिवसेना ठाकरे – 1
(कुर्डुवाडी)

शरद पवार गट – 1
(अकलूज)

स्थानिक आघाडी – 3
(करमाळा, पंढरपूर, मंगळवेढा)

अक्कलकोट तालुक्यातील दोन्ही दिग्गज नेत्यांनी आपले गड राखले आहेत. भाजपाचे आमदार सचिन कल्याणशेट्टी यांचा अक्कलकोट नगरपरिषदेवर एकतर्फी विजय मिळाला.  तब्बल 135 वर्षांची परंपरा मोडत मैंदर्गी नगरपरिषदेवर देखील भाजपाचा झेंडा फडकला आहे. शिवसेना शिंदे गटाचे माजी मंत्री  सिद्धाराम म्हेत्रे यांनी  होम ग्राउंड दुधनी नगरपरिषदेवर एकतर्फी दणदणीत विजय मिळवला. माजी मंत्री सिद्धाराम म्हेत्रे यांचे पुतणे  प्रथमेश म्हेत्रे नगराध्यक्ष पदावर विजयी

मंगळवेढा नगरपालिका

भाजप आमदार समाधान आवताडे यांना मोठा धक्का

नगराध्यक्षपदी तीर्थक्षेत्र विकास आघाडीच्या नगराध्यक्षा सुनंदा बबनराव अवताडे या 200 मतानी विजयी झाल्या

भाजप 11 नगरसेवक
विरोधी तीर्थक्षेत्र विकासासाठी 9 नगरसेवक

अनगर नगरपरिषद अखेर बिनविरोध घोषित

भाजप नेते राजन पाटील यांच्या सुनबाई प्राजक्ता पाटील अनगरच्या प्रथम नगराध्यक्ष बनल्या. भाजप विरुद्ध राष्ट्रवादी अजित पवार गटात मोठी चूरस पाहायला मिळाली. अखेर निवडणूक निर्णय अधिकारी सचिन मुळीक यांनी प्रमाणपत्र दिले. विरोधकांनी बदनाम करण्याचा प्रयत्न केला मात्र लोकांनी विश्वास दाखवल्याचं त्यांनी म्हटलं.

सांगोला नगरपरिषद – एकूण 20

दोन आधीच बिनविरोध आल्या होत्य़ा

शहाजी बापूंची एक हाती सत्ता
नगराध्यक्ष पदाच्या उमेदवार आनंदा माने हे 4775 मतांनी तिसऱ्या फेरी अखेर आघाडीवर

17 जागांवर शहाजी बापूंची एक हाती आघाडी
एका जागेवर आघाडी

अकलूज नगरपालिका

खासदार धैर्यशील मोहिते पाटलांनी ताकद दाखविली ..
राष्ट्रवादी शरद पवार गटाच्या रेश्मा आडगळे 2793 मतांनी विजयी

राष्ट्रवादी शरद पवार गट 22
नगरसेवक विजयी
भाजप 4 नगरसेवक विजयी

बीड जिल्हा निकाल

परळीत मंत्री पंकजा मुंडे यांनी यशश्री निवासस्थानी नगरपरिषद मधील विजयी सदस्यांचे पुष्पहार घालून अभिनंदन केले आहे

या ठिकाणी पंकजा मुंडे यांच्या समर्थकांनी जोरदार घोषणाबाजी केली आहे

या ठिकाणी कार्यकर्त्यांनी गुलाल देखील उजळला आहे.

गेवराई नगरपालिकेत गेवराईचे भाजपच्या गीता त्रिंबक बाळराजे पवार नगराध्यक्ष पदाच्या उमेदवार विजयी..

आमदार विजयसिंह पंडितांना मोठा धक्का ; भाजपच्या कार्यकर्त्यांचा जल्लोष