माझ्या मुलाचा मित्रपरिवार झाला नाही…; तुकाराम मुंढेंनी सांगितलं कारण, म्हणाले, बदली होताच मुल

तुकाराम मुंढे वार्ता: सध्या आयएएस अधिकारी तुकाराम मुंढे (Tukaram Mundhe) यांची संपूर्ण राज्यासह देशभर चर्चा आहे. राज्यभरात प्रतिबंधित गुटखा आणि पानमसालाविरोधात अन्न व औषध प्रशासनाने धडक मोहीम (FDA Maharashtra) राबवत आहे. अन्न व औषध प्रशासनानेचे आयुक्त आयुक्त तुकाराम मुंढे यांच्या राज्यभरातील धडाकेबाज कारवायांनी अन्न माफियांवर मोठा आळा बसला आहे. याचदरम्यान, तुकाराम मुंढेंनी एका मराठी वृत्तवाहिनीला मुलाखत दिली. या मुलाखतीमध्ये त्यांनी विविध प्रश्नांची उत्तरं दिली. यामध्ये माझ्या सततच्या बदल्यामुळे माझ्या मुलाचे मित्र झाले नाहीत. परंतु  मला गोष्टीवरुन सहानभुती नकोय, असं तुकाराम मुंढेंनी सांगितलं. (Tukaram Mundhe)

नेमकं काय म्हणाले तुकाराम मुंढे? (तुकाराम मुंढे मराठी बातम्या)

मुलाच्या बाबतीत असं झालं की, पाचवीपर्यंत त्याच्या 6 शाळा बदलल्या गेल्या. कारण माझ्या बदलीमुळे त्याची दरवर्षी शाळा बदलायची. म्हणजे ती अगदी सुरुवात मुंबईपासून झाली, मग सोलापूर, मग नवी मुंबई, पुणे, नाशिक, परत मुंबई. हा प्रवास त्याला करावा लागला. आणि एका ठिकाणी एकापेक्षा जास्त वर्षं कधी त्याला भेटले नाहीत. मग इथं आल्यानंतर मात्र त्याला एकाच शाळेत ठेवलं. तेव्हापासून मुलगा थोडा स्थिरावला. पण मित्रपरिवार हा त्याला कधी वाढवता आला नाही. त्याचा परिणाम ‘माझे मित्र नाहीत’, असं तो बोलला. त्यामुळे माझी बदली ज्यावेळेस होते, त्यावेळेस मुलाचा प्रश्न असा असतो की, आता तुमच्याबरोबर मला यायचंय का? परत माझी शाळा बदलायची आहे का? आणि त्यावेळेस ही कठीण परिस्थिती असते. परंतु त्याला तोंड द्यावं लागतं. कारण जर भूमिका तुमची आहे, भूमिका तुम्ही घेतलेली आहे, एक रोल घेतलेला आहे आणि पब्लिक सर्व्हंट म्हणून तो जर आपल्याला तडीस न्यायचा आहे तर ते माझं दायित्व आहे. त्यामुळे मला गोष्टीवरुन सहानभुती नकोय, असं तुकाराम मुंढेंनी सांगितलं. (IAS Tukaram Mundhe News)

तुकाराम मुंढे यांची आतापर्यंत कोणत्या ठिकाणी बदली झाली? (Tukaram Mundhe News)

• ऑगस्ट 2005 – प्रशिक्षणार्थी, उपजिल्हाधिकारी सोलापूर
• सप्टेंबर 2007 – उप जिल्हाधिकारी, देगलूर उपविभाग
• जानेवारी 2008 – सीईओ, जिल्हा परिषद नागपूर
• मार्च 2009 – आयुक्त, आदिवासी विभाग
• जुलै 2009 – सीईओ, वाशिम
• जून 2010 – सीईओ, कल्याण
• जून 2011 – जिल्हाधिकारी, जालना
• सप्टेंबर 2012 – विक्रीकर सहआयुक्त मुंबई
• नोव्हेंबर 2014 – सोलापूर जिल्हाधिकारी
• मे 2016 – आयुक्त, नवी मुंबई महापालिका
• मार्च 2017 – मुख्य कार्यकारी अधिकारी, पीएमपीएल, पुणे
• फेब्रुवारी 2018 – आयुक्त, नाशिक महापालिका
• नोव्हेंबर 2018 – सहसचिव, नियोजन
• डिसेंबर 2018 -प्रकल्प अधिकारी, एड्स नियंत्रण, मुंबई
• जानेवारी 2020 – आयुक्त, नागपूर महापालिका
• ऑगस्ट 2020 – सदस्य सचिव, महाराष्ट्र जीवन प्राधिकरण, मुंबई
• जानेवारी 2021 – राष्ट्रीय मानवाधिकार आयोग भारत
• सप्टेंबर – 2022 – आयुक्‍त आरोग्‍य सेवा व संचालक, राष्ट्रीय आरोग्य अभियान
• 2022 – मराठी भाषा विभाग
• जुलै 2022 – पशुसंवर्धन आणि दुग्ध विकास विभाग
• जून 2024 – विकास आयुक्त (असंघटित कामगार)
• ऑगस्ट 2025: सचिव, दिव्यांग कल्याण आयुक्तालय, मंत्रालय
• मे 2026: आयुक्त, अन्न व औषध प्रशासन

राज्यासह देश-विदेशातील महत्वाच्या घडामोडी, VIDEO:

संबंधित बातमी:

Tukaram Mundhe News: तुम्हाला नायक सिनेमासारखं एका दिवसासाठी CM बनवल्यास काय कराल?; तुकाराम मुंढेंचं बेधडक उत्तर